မရေးဖြစ်မတွေးဖြစ်သော အကြောင်းတွေဘေးဖယ်လို့..
ရန်ကုန်အကြောင်းပြောကြပါစို့လား..
နေရောက်တွေတောက်လို့ ပျင်းမတွေကြွေ…
မြို့ရွှေရန်ကုန်မှာတော့ဖြင့် သတင်းတွေကလည်း စုံလို့ပါဗျ..
ဟိုနေရာသွားလည်း သင်္ကြန်သီချင်းသံ…
ဒီနေရာသွားလည်းသင်္ကြန်သီချင်းသံ…
သင်္ကြန်သီချင်းသံတွေဆူညံလို့..
မီးက်သံတွေနဲ့အပြိုင်ကျဲနေပါပေါ့လား….
လတန်းခူးပေမို့ မြအဖူးတွေသစ်သစ်ဝေ
လို့တောင်ဆိုရလေမလား..
ပိတောက်ဖူးတစ်ချို့ကတော့ မိုးအလာစောင့်ရင်း…
ပွဲတော်ရက်မတိုင်ခင် အပြိုင်ပွင့်ဖို့ ဟန်ချီနေကြပါရဲ့..
မနေ့ တနေ့ကများ မိုးကလေးတစ်ပေါက်နှစ်ပေါက်ကျ…
မြေသင်းနံ့တွေသုတ်ခနဲ့အဝေ့..
နောက်တစ်နေ့နံနက်….
ပိတောက်ပန်းတစ်ချို့ပန်ထားလေတဲ့…
လည်တိုင်ကြော့တွေကိုမြင်လိုက်ရတော့..
ဒိနှစ်မှာလည်း ပိတောက်က ငုလောက်တောင်…
သစ္စာမရှိတော့ဘူးလို့ပြောကြထင်ပါရဲ့..
သင်္ကြန်သီချင်းသံတွေပျံ့လွင့်ဆိုပေမယ့်…
ကြားနေရတာတွေက အဟောင်းဟောင်းတွေပါရယ်..
အသစ်တွေတော့ထွက်ကြပါရဲ့..
သစ်လွန်းတော့လည်း ကြားရသူနားဘ၀င်..
စိမ်းလွန်းတယ့်နဲ့တူပါတယ်…
ဟိုနေ ဒီနေရာ ပျံ့လွင်နေတာ….
ကြားနေကျ မြို့မသီချင်းတွေကြီးပါပဲ…
သင်္ကြန်ရောက်တော့မယ်ဆိုတော့..
သင်္ကြန်အကြောင်းပြောစရာတွေကအများကြီးပေါ့ဗျာ…
ဟိုးတုန်က သပြေခက်သင်္ကြန်..
စစ်ကြီုသင်္ကြန်။ စစ်ပြီးခေတ်သင်္ကြန်၊…
သံချပ်သင်္ကြန်၊ စသဖြင့်ပေါ…
နောက် နောင်များတော့လဲ…
ရောခ်သင်္ကြန်။ ဟစ်ဟောပ့်သင်္ကြန်…
ဒီနှစ်များတော့ အီမိုသင်္ကြန်ဖြစ်လေအုံးမလားမသိ…
ဆင်ခြေဖုံးရပ်ကွက်ကလူတွေအပြတ်နွဲကြလေတဲ့..
သကြန်င်္ချိန်ခါလက်သုံးစကားက
လမ်းလျှောက်သင်္ကြန်တဲ့လေ…
သင်္ကြန်မှာ စီးပွားရှာလိုသူတွေကတော့..
ခုကတည်းက ခတ်ကွင်းပြင်နေကြပါရဲ့….
ကွမ်းယာရောင်းတဲ့လူက အရက်ရောင်းမယ်..
ဘယာကျော်ရောင်းတဲ့ကုလားက…
စာလေးကြောင်ရောင်းမယ်နဲ့..
ပုံမှန်ဝင်ငွေထက် အဆများများရနိုင်မယ့်…
သကြန်စီးပွားအတွက် ပြင်ဆင်နေကြတာများ…
စတောပ့်ရှယ်ယာဈေးကစားမယ့်သူတွေတောင်
ရှုံးလောက်ပါရဲ့ဗျာ…
ဖြစ်တတ်တဲ့စီးပွား ပြောဖို့ကျန်နေသေးရဲ့..
ဟိုသင်္ကြန် ဒီသင်္ကြန်…
အရက်သင်္ကြန်ဆိုတာလဲ ရှိပါသေးရဲ့မဟုတ်လား..
မဏ္ဍာပ်ထိုးလိုသူတွေသောကပွေနေတဲ့အချိန်ပေါ့..
နေရာကောင်းမှရပါ့မလား..
ငွေကုန်ကြေးကျ ဘယ်လောက်ရှိမှာတုန်း…
ဟိုလူလာလို့ဝိုင်းပါဦး…ဒီလူလာလို့ကုန်ပါဦး…
ကန်တော့ပွဲကြေးကတောင့်ဖို့လိုတယ်နော်နဲ့..
လှုပ်လှုပ်ရှားရှား မဏ္ဍာပ်ထိုးသူများဖြစ်နေပြန်ပါပေါ့…
ဒီကြားထဲ စပွန်ဆာ စပွန်ဆာ နဲ့..
စပွန်ဆာရှာရတဲ့ဒုက္ခကလည်းမသေးလှဘူးဗျ..
နီးမှပေးမယ်၊ ဝေးမှပေးမယ်…
နီးနီးဝေးဝေး ပေးချင်မှလည်းပေးမယ်ဆိုတာတွေပေါ့
တတ်လည်းတတ်နိုင်ကြသူတွေရယ်ပါ…
သင်္ကြန်ကာလက ငါးရက်ထဲရယ်…
ဒိငါးရက်အတွက် ရတက်မပွေနိုင်သူတွေက ဒုနဲဒေးပါပဲ…
ဒီငါးရက်မှ စိးပွှားရှာမယ့်သူတွေကလည်း ဒုနဲဒေးပါနဲ့..
ဒီနှစ်ခုကြား အပြတ်ပွေးမယ့် သူတွေကလည်း ဒုနဲ့ဒေးပါပဲ…
သင်္ကြန်ပိတ်ရက်ဆိုပြန်တော့လည်း…
အပျော်ဆုံးဖြစ်ကြမှာက အစိုးရ၀န်ထမ်းတွေပါ…
နှစ်သစ်ကူးရုံးပိတ်ရက်ဆိုပြီး …
ဆယ်ရက်ဆက်တိုက်ပေးလေတော့..
သူတို့ခဗျှာ အပျော်ကြီးပျော်ဆိုပဲ..
ပေးသီးခေါက်လို ဈေးတွက်တွက်ရလေတဲ့…
ပုဂ္ပလိက ကုမ္ပဏီတွေကတော့..
ပိတ်ရက်က ၅ရက်၊၆ရက်ထက် ပိုမပေးနိုင်လေတော့..
အော် တတ်လဲတတ်နိုင်ကြပါဘိလို့ ..
တွေးနေကြတဲ့လုတွေလဲ ရှိနေကြလိမ်းမပေါ့..
အာဆီယံဆယ်နိုင်ငံထဲမှာတော့..
မြန်မာက ရု့းပတ်ိရက်အများဆုံးစာရင်းမှာ..
ဒုတိယဖြစ်သွားခဲ့တာ နှစ်သစ်ကူးရုံးပိတ်ရက
သတ်မှတ်ပြီးကတည်းကပေ့ါ..
သင်္ကြန်ခါနီးတော့ ဈေးကွက်အနေအထားကကျသကိုး
တက်သင့်တာတွေတက်လို့..
ကျသင့်တာတွေက လုံးဝမရောင်းရဆိုသလို..
ဈေးသည် ကုန်သည်တွေလဲ ငြီးလှပါပြီ…
ရန်ကုန်ရနံ့ ရန်ကုန်အငွေ့.နဲ့..
ဝေးနေသူတို့ရေ….
နောက်ရေးမယ့်အရာတွေရောက်မှ…
အခြား အခြားသော အရာတွေ..
ဆက်ပြောကြပါစို့လားဗျာ…
ဘာရယ်မဟုတ်ပါဘူး…
မုတ်သုန်တို့ရန်ကုန်မှာပါဗျာ….။ ။

ချစ်ခြင်းနဲ့ပတ်သက်လို့
အကြောင်းအရာတစ်ခုလောက်ရေးကြည့်ဖို့
မောင်မျိုးကို ချောက်တွန်းလိုက်တော့ တကယ်ရေးတယ်ဗျာ
သူတောင်ရေးသေးတာပဲ
ဘာရမလဲဆိုပြီး ကော်မန့်တောင်ဝင်ပေးပစ်တယ်
အဲဒီကော်မန့်ကိုထောက်ခံတဲ့လူကရှိသေး
နောက်နေ့တွေ့တော့
ဆရာသမားက မင်းလည်းရေးပါလားတဲ့။
အဲဒါမှ ပြဿနာ…. မရေးပြန်လဲမကောင်း… ရေးပြန်တော့လဲမကောင်း
ကြောင်မျိုးကတော့ စိတ်ခုနေမှာအသေအချာ
.ဟိုဟိုဒီဒီခေါင်းရှောင်လို့..ရပေမယ့်
ကိုယ်စရှို့ထားတဲ့အရာဖြစ်နေပြန်… နေပါဦးလေ
ချစ်ခြင်းဆိုလို့ စတုန်းကလည်းမကောင်း
အဆုံးလည်းကောင်းမည်မထင်
ဘယ်တုန်းကမှလည်းကောင်းတာမရှိခဲ့
ဘယ်လိုလုပ်ရမလဲစဉ်းစားရင်း
တရေးနိုးသော်အကြံပေါ်တဲ့… တရေးတော့မနိုးပါဘူး
ညမအိပ်ပဲစာအုပ်ရှာလိုက်တာ
ဖယောင်းတိုင်လေးငါးတိုင်လောက်ကုန်အောင်..မီးထွန်းရှာလိုက်တာ
တွေ့ပါလေရဲ့ဗျာ
စာအုပ်ရှာတာကလည်း အကြောင်းမဲ့တော့မဟုတ်ပါဘူး
သူငယ်ချင်းတစ်ယောက်ကိုပေးလိုက်ချင်လို့
အလာတော့ကောင်းပါရဲ့ အခါနှောင်းဆိုသလို
ပေးချင်တဲ့စာအုပ်က ပေးချင်တဲ့လူဆီ
အကြောင်းအမျိုးမျိုးကြောင့်ရောက်မသွားရှာလေဘူး
နောက်တွေ့တော့ပေးရတာပေါ့
စိတ်ထဲတော့ သိပ်မကောင်းလှဘူး
ဖြစ်တတ်တဲ့သဘာဝမို့…လက်ထဲရှိနေတဲ့စာအုပ်ကိုပဲ
ဟိုဟိုဒီဒီလှန်ကြည့်ရင်း… စာတရွက်လှန်တိုင်း
ရင်ခုန်သံတွေအစိမ်းလိုက်မြည်တယ်
ဟိုးတုန်းကပြောတာပါ
တော်တော်စွဲလန်းခဲ့ရတဲ့စာအုပ်
ကဗျာစာအုပ်ဆိုပေမယ့်
အက်ဆေးတစ်ချို့နဲ့ရောမွှေထားတာ
အဲဒီစာအုပ်ရဲ့ နောက်ဆုံးပိုင်းမှာ
အက်ဆေးလေးတစ်ခုပါတယ်
တကယ်ကောင်းပါတယ်
ရေးတဲ့လူကတော့ရှေ့မှာပြောခဲ့တယ်ဗျ
”ခင် ဟူ၍ရင်တုန်လာသဖြင့်
လက်ကလေးဖြင့်ဖိထားရပါသည် ” တဲ့
တော်တော်ဆိုတဲ့စာပါ
သူရဲ့ခံစားပုံအရဆို တကယ်လည်းဖြစ်နိုင်ပါတယ်
အဲလိုရင်ခုန်သံမျိုး မီးကူးကြည့်ဖို့ကြိုးစားကြည့်သေးတယ်
ကံဆိုးချင်တော့ ဘေးနားမှာ ခင် နဲ့တူတာ
တစ်ယောက်မှ မရှိခဲဘူး
လက်လျော့လိုက်ရလေသတည်းပေါ့
ဆိုတော့ဗျာ
စာအုပ်မှာပါတဲ့ အက်ဆေးလေးကို
ပြန်တင်ပေးမယ်
အတော်များမျာကလည်းကြိုက်ကြမှာပါ
မြွေရေခွံအိတ်တစ်လုံးရဲ့အောက်ဆုံးနားရောက်နေခဲ့သော
မရှိတော့ဘူးလို့ထင်တားတဲ့..စာအုပ်လေးကိုလည်း
အမှတ်တရ ဂုဏ်ပြုတဲ့အနေနဲ့
နောက်
အမှတ်ရစရာတွေ ရရှိထားခဲ့တဲ့ ဒီရက်သတ္တပတ်ကို
အလေးထားမိတဲ့အနေနဲ့
သူများပြောတဲ့အချစ်အကြောင်းမှာ
သွားအာချောင်ထားမိခဲ့တဲ့အတွက်ရော
အစစ အရာရာ အတွက်ပါ
သူများရေးထားတဲ့
အက်ဆေးတစ်ပုဒ်ပြန်တင်ပေးပါမယ်
ကိုယ်တိုင်ရေးထားတာမဟုတ်ပေမယ့်
ကိုယ်တိုင်ခံစားးခဲ့ရသလိုပါပဲ
စာအုပ်နာမည်က
” ပြုံးနေတဲ့ သံဆူးကြိုးလေး”
ရေးထားတဲ့လူက ကေဇော်
(မန္တလေးသိန်းဖော်လို့လည်းလူသိကြပါရဲ့)
ထုတ်ခဲ့တဲ့ ခုနှစ်က… ၁၉၈၈ မတ်လ
အက်ဆေးနာမည်က “မျက်ရည်သစ်ပင်”

မျက်ရည်သစ်ပင်

ထင်းရှုးလမ်းပဒေသာလမ်းပါတဲ့…
လမ်းကလေးရဲ့တစ်ဖက်တစ်ချက်မှာတော
့ထင်ရှုးပင်တွေအစီအရီပေါက်နေကြ တယ်။
တစ်ချို့အပင်တွေကငိုနေသလိုပဲ၊
သူတို့အသီးကြီးတွေကမျက်ရည်စကြီးတွေနဲ့တူနေတယ်။
တစ်ချို့အပင်တွေကျတော့လည်းခြေလက်တွေချိုးပြီး
ကနေ ကြသလိုပဲ။အခက်အလက်တွေကော့ပျံ့နေတယ်။
တချို့ကျတော့လည်းလူရွှင် တော်တွေလို
အမြဲရယ်ကြဲကြဲလုပ်နေကြပါတယ်။
တစ်ချို့ကျတော့လေမကြောက်မိုးမကြောက်၊
နေမကြောက်၊အမြင့်မားဆုံးပေါက်ရောက်ပြီးခါကြီးတွေ
ထောက်နေလေရဲ့။….. နောက်ပြီး
ထင်ရှုးပဒေသာလမ်းနဲ့ ပတ်သက်တဲ့
ဇာတ်လမ်းကလေးတစ်ခု လည်းရှိတယ်။
နွေတုန်းကထင်ပါရဲ့ ။
လေဟာမျက်ရည်သစ်ပင်ကြီးတွေကိုအငိုရှာနေတယ်။
အဲ့ဒီ အချိန်တုန်းက ကောင်လေးတစ်ယောက်
လမ်းလျှောက်နေတာတွေ့တယ်။
ကောင်လေးကိုကြည့်ရတာ
တစ်စုံတစ်ခုနောက်ဆံတင်းနေသလိုပဲ၊
(လမ်းဘေးက အုတ်ခုံလေးမှာ
အင်္ဂတေတွေကွာနေလေရဲ့)
ဒီလိုနဲ့နေ့ရက်တွေ ကုန်လွန် သွားခဲ့တယ်။
တစ်နေ့ ထင်းရှုးပဒေသာလမ်းကလေးပေါ်ကို
ကောင်မလေးတစ်ယောက်ထပ်ရောက်လာတယ်။
သူကလမ်းကလေးကိုအားနာတယ်။
ကောင်လေးက တောင်းပန်စရာမလိုဘူးကွယ်။
လူ့ဘ၀ဆိုတာ အားနာစရာမှမဟုတ်တာလို့ရှင်းပြနေချိန်မှာ
အခက်အလက်တွေကော့ပျံ့နေအောင်
ခြေတွေလက်တွေချိုးပြီး ကနေတဲ့
ထင်းရှုးပင်အုပ်ကလေးပေါ်ကို မိုးရွာချတော့တာပါပဲ။
နေ ထွက်လိုက် မွန်းတည့်လိုက် နေ၀င်လိုက်နဲ့ ၊
မကြာခင်မှာပဲ ….
ကောင်လေးတစ်ယောက်ထပ်ရောက်လာပြန်တယ်
သစ်ရွက်တွေမကြွေရဘူးတဲ့။
အသံလာရာမော့ကြည့်လိုက်တဲ့အခါ
အမြင့်မားဆုံးပေါက်ရောက်ပြီး
ခါးထောက်နေတဲ့သစ် ပင်ကြီးကိုတွေ့တယ်။
အဲ့ဒီအချိန်ကစပြီးထင်းရှုဒပဒေသာလမ်းပေါ်မှာ
သူတို့သုံးယောက် လမ်းလျှောက်နေတာကို
အားလုံးလိုလို မြင်ဘူးကြတယ်။
ကောင်လေးရယ်၊ ကောင်မလေးရယ်၊ ကောင်လေးရယ်၊
ထင်းရှုးပင်ကြီးတစ်ပင်ကရယ်စရာဆိုတာ
တို့သစ်ပင်ကြီးတွေကစပြီး တီထွင်ခဲ့တာပါကွာလို့
ရယ်ကြဲကြဲ လုပ်နေတယ်။
ထင်းရှုးပဒေသာလမ်းကလေးဟာ
ပျော်စရာဘယ်လောက် ကောင်းပါသလဲ
ကောင်လေးရယ်၊ ကောင်မလေးရယ်၊ ကောင်လေးရယ်၊
ကမ္ဘာကြီးရယ်…
ဘယ်လောက်ပျော်ဖို့ကောင်းသလဲ။
တစ်ကယ်ဆို ဒီအချိန်မျိုးမှာ…
လေပြင်းမုန်တိုင်းဟာ မတိုက်ခတ်သင့်ပါဘူး။
ခုတော့လျို့ဝှက်စွာတိုက်ခတ် သွားတဲ့ မုန်တိုင်းကြောင့်
ထင်ရှုးပင်ကြီးဟာ မျက်ရည်တောက်တောက်ကျနေရပေါ့။
ထင်ရှုးတောအုပ်ကလေးတစ်ခုလုံးဟာလည်း
မျက်ရည်သစ်ပင်ကြီးရဲ့ငိုသံမှာ အံ့အားသင့်နေကြတယ်..
ဒါပေမယ့်…

ထင်ရှုးပဒေသာလမ်းပေါ်မှာ

ကောင်လေးတစ်ယောက်ဟာ …

လမ်းလျောက်နေတုန်းပါပဲ၊

လမ်းဘေးအုတ်ခုံလေးမှာတော့ အင်္ဂတေတွေကွာနေရဲ့။ ။

ကေဇော်
(၂ စက်တင်ဘာ ၁၉၈၅ )

မင်းရယ်… ငါရယ်…
မြေနီကုန်းမှာ တီဗွီသွားကြည့်မယ်

အချိန်ခြစားသံတွေဆူညံ့
နေမစောင်းခင်လေး
မင်းရယ်… ငါရယ်…
မြေနီကုန်းမှာ တီဗွီသွားကြည့်မယ်…

မြေနီကုန်းဆိုသောမြေနီကုန်း၊
အလှမ်းမဝေးသောမြေနီကုန်း၊
မလုံ့တလုံ လုံ့တလုံ၊
မတို့တတို့ တို့တတို၊
ရင်ခုန်သံတွေ ဖောက်ပြား၊
မြင်ကွင်းတွေက အမောဖောက်သတဲ့…
(ရတက်မအေးရှာနိုင်သူတွေပေါ့လေ)
လမ်းကြုံရင် ရွှေဧည့်သည် ၃၀၀ပေးစီးလို့
မင်းရယ်… ငါရယ်…
မြေနီကုန်းမှာ တီဗွီသွားကြည့်မယ်….

လေဆာဆိုတာနားမလည်၊
သေပါဆိုတာဘာကိုခေါ်လဲ
ဝေဒနာတွေအသေအချာမှတ်လို့
မနေ့ကဘာနေ့ဖြစ်ပြီး
မနက်ဖြန်ကဘာဆိုရင်
ဒီနေ့ ဘာနေ့ဆိုတာ…
လာမပြောနဲ့(အာရုံစားတယ်)
နားအညစ်အကြေးသန့်စင်ဖို့
နားဖာကလော်တစ်ချောင်းသာလိုတယ်
နို့ထွက်ပစ္စည်းရရှိဖို့…
နွားတရှဉ်းသားအဓိကကျပေမယ်
ရေမထွက်တဲ့ရေပန်းတွေနား
ညာချင်ပါသတဲ့ ကြော်ငြာဘုတ်တို့နံဘေး
ဝမ်းစတောပ်စူပါမားကတ်ကြီးရဲ့ရှေ့
အိမ်လောက်ကြီးတဲ့တီဗွီကြီးရှိသတဲ့
(အဲ့ဒါ….)
မြေနီကုန်းကတီဗွီကြီးပေါ့…
ခွင့်သာခိုက်မို့ သွားကြည့်ချင်ပါရဲ့
သက်မွန်မြင့်၊ အိနြင်္ာကျော်ဇင်၊
မိုးဟေကိုလဲ တွေ့ရမတဲ့….
ဟိုအသံ၊ ဒီအသံ
ယာဉ်သံဆူတွေကြား
မင်းရယ်… ငါရယ်…
မြေနီကုန်းမှာ တီဗွီသွားကြည့်မယ်…

(မြို့ကြီးပြကြီးတွေမှာ… ခုတလောခေတ်စားနေတဲ့
ဗီဒီယိုဇာတ်လမ်းဆိုတာ… ကျေးတောသားမို့…
မကြည့်ဖူးသေးပါ….
ရောင်စုံရုပ်တွေဆိုလား မတွေဖူးသေးသမို့
မြင်ဖူးချင်လှသဗျာ…
ရွာဘုရားပွဲနဲ့ဘုန်းကြီးပျံမှာကြည့်ဖူးပါရဲ့ဗျာ..
ရွာဘုရားပွဲနဲ့ဘုန်းကြီးပျံမှာကြည့်ဖူးပါရဲ့ဗျာ..
သုံးကားပေါင်းမိုးလင်းဆိုတဲ့…
ရုပ်ရုင်ကားတွေထဲမှာ…..
ချီးဗူးနဲ့ရွှေဘကိုတော့ တရင်းတနှီးမြင်ဖူးတာ…
ဒီနှစ်တော့စပါးပေါ်ရင်ဗျာ…
မြို့တက်ကာ ဗီဒီယိုကြည့်မယ်…
အရီးလေးရယ် ဆက်ဆက်ခေါ်ပါဗျာ…..)

၈၀ပြည့်လွန်ကသီချင်းတစ်ပုဒ်
အတင်းလုပ်လို့ဆိုမနေနဲ့….
မကုန်သေးသောအနာဂတ်များ
တွေးတဆဆချင့်ချိန်ရင်း
အဝေးဆုံးလမ်းတွေ
အဝေးဆုံးသို့မရောက်ခင်စပ်ကြား
မင်းရယ်… ငါရယ်…
မြေနီကုန်းမှာ တီဗွီသွားကြည့်မယ်။ ။

စာမေးပွဲကြီးနီးလာပြီ

စိုးမိုးယံ

နွေဦးရာသီ ငိုက်မနေပါနှင့်
စာမေးပွဲကြီးနီးလာပြီ
ဒါပဲကြည့် ကွက်တိ ခန့်မှန်းမေးခွန်း(၅) စုံ
အထူးထုတ်အနာဂတ် ဆရာများ ချစ်တပည့်သေ
လေရူးတွေ တ၀ီဝီ အမှိုက်တွေလွင့်လာသည်
နေတရှိန်ရှိန်ပူသည် တံလျှပ်မြစ်ကြီးစီးလာပြီ
အနီးကပ် မပြတ်တပြတ် သင်ခန်းစာ
ဘယ်စာကို ဘယ်နှစ်ဝါမောင်သင်မလို့တုန်း ပြောခဲ့ဦး
ကွက်လပ်မှာဘာဖြည့်မလဲ
မှန်မှား ဘယ်လိုခွဲမလဲ
စာလုံးပေါင်း မှန်ပါစေ
အတွက်အချက် မြန်ပါစေ
မေးလေ့မေးထရှိတာ ဖြစ်လေ့ဖြစ်ထရှိတာ
ဒီလိုပဲ မှားလေ့မှားထရှိခဲ့တာတွေ
တွင်းဟောင်းရေကြည် ပိုးမွှားဝေစည်
ဆူလွယ်နပ်လွယ် အသင့်ပြင်ထားကြ
သင်ရိုးကုန်အဖြေစုံ အစဉ်အလာမပျက်
အံဝင်ဂွင်ကျဖြစ်အောင် ထပ်တလဲလဲလေ့ကျင့်ကြ
မေးခွန်းကိုသေချာဖတ် အလှည့်အပြောင်းကိုသတိထား
ပြီး၇င် ပြန်စစ်ဆေးဖို့မမေ့ပါနဲ့
လိုအပ်တာထက်များရင် ဘောင်မ၀င်ဘဲ ဘေးချော်သွားမယ်
မျက်လုံးတွေဖွင့်ထားပါ
ဦးနှောက်ကိုအလုပ်ပေးပါ
အောင်မှတ်ရရုံနဲ့ စိတ်မအေးနဲ့
ဂုဏ်ထူးရရုံနဲ့ သိပ်မဝေးနဲ့
ဘယ်စာကိုဘယ်နှစ်ဝါမောင်သင်မလို့တုန်း ပြောခဲ့ဦး
စာမေးပွဲကြီးနီးလာပြီ နွေဦးရာသီ
လေရူးတွေ တ၀ီဝီ အမှိုက်များ လွင့်လာသည်
နေတရှိန်ရှိန်ပူသည် တံလျှပ်မြစ်ကြီးစီးလာပြီ
နွေဦးရာသီ ငိုက်မနေပါနှင့်။

စိုးမိုးယံ
၂၀၀၈ မတ်လထုတ် စံပယ်ဖြူ မှ

(၁)
ပျံသန်းမယ့်ငှက်ကို ….. သူတို့မို့ဖမ်းချင်တာ
ရွှေလှောင်အိမ်မှာ ….. ပျော်လို့မရပါ
ချစ်တဲ့ကောင်းကင်ရဲ့….. လွတ်လပ်မှုကိုရှာ
ပွင့်လန်းမယ့်ပန်းကို ….. သူတို့မို့တားချင်တာ
ထာဝစဉ်ငုံကာ ….. နေလို့မရပါ
ချစ်တဲ့အလင်းရောင်ရဲ့ ….. ယုယမှုကိုရှာ
ရှိတာတွေကို ….. ရှိပါစေလေ
ဖြစ်တာတွေကို ….. ဖြစ်ပါစေလေ
သဘာဝဟာ ….. သဘာဝပါ…

သဘာဝဟာ သဘာဝပါလို့ အသံရှည်ကြီးဆွဲလို ထွက်ပေါ်လာတဲ့အသံ နောက်ပါသွားတဲ့စိတ်ကို ဘယ်လိုမှထိန်းမရနိုင်တော့။ ဖြစ်ချင်တာတွေ ဖြစ်မရနိုင်တာကို နှစ်သိမ့်ပေးနေသလိုလို။ ရှိတာတွေကို ရှိပါစေလေ။ ဖြစ်တာတွေကို ဖြစ်ပါစေတဲ့။ ရိုးစင်းတဲ့စာသားတွေက အားကောင်းကောင်း နဲ့ဆွဲငင်လို့။ဒီသီချင်းကိုဘယ်သူဆိုထားတာလဲ။လွိုင်လင်ကအပြန် ဒီသီချင်း ကိုသယ်ဆောင်လာတဲ့အဖေ့ကိုလှမ်းမေးလိုက်တော့၊ စိုင်းထီးဆိုင်တဲ့။မန္တလေး ရောက်နေတဲ့ရှမ်းတစ်ယောက်ပေါ့ကွာ။အဖေဆက်ပြောလိုက်တဲ့စကားသံ ကတစ်စွန်းတစ်စသာကြားလိုက်ရင်း။
စိတ်တွေကတော့ ဟိုးအရှေးကလှမ်းမြင်နေရတဲ့ ရှမ်းတောင်တန်း ကြီးတွေဆီ သီချင်းသံနဲ့အလိုက်သင့်မျောပါလို့။ သဘာဝဟာသဘာဝ ပါလို့ ဆိုလိုက်သူ။သူ့သီချင်းသံတွေက မြင်နေရတဲ့ရှမ်းတောင်တန်းတွေဆီကနေ အဝေးဆုံးထိ ကျော်လွန်သွားလိမ့်မယ်ဆိုတာ အဲဒီအချိန်တုန်းက သတိမထား မိလိုက်တာတော့အမှန်ပင်။ သီချင်းတစ်ပုဒ်ချင်းဝယ်သွင်းလို့ရတဲ့အချိန်မှာစိုင်းထီးဆိုင်ရဲ့သီချင်း တွေထဲကနောက်ထပ်သတိထားမိခဲ့တဲ့သီချင်းတစ်ပုဒ်က]သေအောင်သာရွာပါမိုး}။ လူငယ်သဘာဝလိုချင်တာကိုဆုပ်မိနိုင်ဖို့အားနည်းနေတဲ့အချိန်။ကြုံသမျှအရှုံး၊ ကံကိုကဆိုးလွန်းတယ်လို့ အရာရာအပြစ်မြင်နေတဲ့အချိန်။ခေတ်ကို အပြစ်တင်၊စနစ်ကိုအပြစ်မြင်တတ်တဲ့အချိန်။ဒီလိုချိန်မျိုးမှာ နားထောင် မိခဲ့တဲ့သီချင်း။သီချင်းစာသားတွေအပေါ်အတင်းဖိနင်း ထားတဲ့ဆိုဟန်။ နားထောင်သူရဲ့စိတ်ကို ကိုင်လှုပ်လိုက်တဲ့အချိန်မှာ အကုန်လုံးကကျိုးကျေလို့။ ဘယ်လိုမှထွက်ပေါက်မရှိနိုင်တော့ဘူးလို့ထင်ခဲ့ရတဲ့အထိ။

အနိုင်ရပြီးခဲ့ပြီမို့….. တကယ်ကျေနပ်ဖို့ ကောင်းပါတယ် အိုး …
အခုတော့ မဟုတ်ပါတယ် ….. တမင်တကာရက်စက်လွန်းပြီကွယ်
သေအောင်သာရွာပါမိုး ….. သေအောင်သာရွာပါမိုး …..
(ခြောက်သွေ့တဲ့လမ်းပေါ်တောင်မှ ချိုင့်ခွက်နဲ့
မလွဲနိုင်သူအဖို့ ရွံ့ဖွက်နဲ့ထပ်တိုးလို့ မထူးတော့ပြီမို့
ရွာချင်ရင် ရွာပါမိုး)
ဒီလောက်အညှိုးကြီးရင်တော့ ….. ဒီကမ္ဘာက အကျဉ်းလေးပါကွယ်
လည်စဉ်းပြီးပေးပါ့မယ့် ….. ဒီတခါတော့မပြေးတော့ပြီကွယ်
(သေအောင်သာ ရွာပါမိုး)

စိတ်ကိုအဆုံးစွန်ထိထွက်ပေါက်မပေးတော့။ ဆိုးနိုင်သလောက်ဆိုး ပါလေ။သေအောင်သာရွာပစ်စမ်းပါလို့စိန်ခေါ်လိုက်သံ။ ခေတ်ရဲ့သီချင်း။ လူငယ်တို့ရဲ့သီချင်း။ ဒီသီချင်းတွေကြားထဲကမှ ခံစားမှုဒဿနတွေလှပ်ပြ။ ကြီးပြင်းခဲ့ရာရှမ်းမြေဆီကိုလှမ်းလင့်ခေါ်သံပြုလိုက်တဲ့သီချင်းတစ်ပုဒ်က ]တောင်ပေါ်မြေရဲ့အခြားတမျက်နှာ}။ ချယ်ရီတွေသာယာ၊ ထင်ရှုးတောတွေနဲ့ ရှမ်းမလေးတွေနေတဲ့ရှမ်းမြေ။ သာယာလှတဲ့ တောင်ပေါ်မြေ။အဲ့ဒီတောင်ပေါ် မြေရဲ့အခြားတစ်ဖက်မှာဘာတွေရှိနေမှန်းတော့မသိကြပါဘူးလို့ဆိုလိုက်သံ။

မြင်စရာတွေ တကယ်တန်းပြောပြစရာ ….. ပုံလို့သာနေ
အကိုတို့ရေ ….. ပျော်နေတဲ့ အိပ်မက်ကနေ အပြင်ထွက်ခဲ့လေ
တောင်ပေါ်မြေရဲ့ ….. အခြားတဘက်မျက်နှာမှာ
ချယ်ရီတွေလဲ ….. ယမ်းနံ့စွဲနေ သာယာတယ်ဆိုတဲ့…..
ထင်ရှုးတောတွေဟာ ….. လောင်ရာတွေနဲ့ရုပ်ပျက်နေ…..

အဲဒီခေတ်၊အဲဒီအခါတုန်းက ရှမ်းတောင်ပေါ်မြေရဲ့ဖြစ်ရပ်မှန်တွေကို အကောင်းဆုံးလှစ်ဟပြသွားနိုင်ခဲ့တာပါ။လှပတဲ့ချယ်ရီတွေကယမ်းနံ့စွဲလို့၊
ရှုမဆုံးတဲ့ထင်းရှုးတောတွေက လောင်ရာတွေနဲ့။ အိပ်ပျော်နေတဲ့ အစ်ကိုတွေ အပြင်ထွက်ခဲ့ပါတော့တဲ့။ ]တောင်ပေါ်မြေရဲ့ အခြားတမျက်နှာ}သီချင်းနဲ့ ရှမ်းပြည်ရဲ့ အမှန်တရား၊ အနှစ်သာရတစ်ခုကို အသစ်လွင်ဆုံးဖော်ကျူး ပြရင်း နောက်ထပ်ရှမ်းပြည်ဖွဲ့တေးတွေထဲမှာချစ်စရာအကောင်းဆုံးနဲ့လွမ်း မောဖွယ် ဖြစ်ခဲ့ရတဲ့သီချင်းတစ်ပုဒ်ကငွေတောင်တန်းဆီသို့ သီချင်းတစ်ပုဒ်။

အို ….. ငွေတောင်တန်းရယ်
ဆယ်နှစ်နီးပါး ….. စောင့်ခဲ့ကြပြီးမှ
ဒီအချိန်မှာ ….. တညဖြစ်ဖြစ် နှစ်သိမ့်ဆုလေးလောက်တော့
တသက်လုံးမခွဲကြခင် ….. ကြင်နာခွင့်ရသင့်ပါတယ်….

ငွေတောင်တန်းကိုသက်သေပြုရင်းမ၀ံ့မရဲ လှမ်းဆိုလိုက်တဲ့ ချစ်သက် သေစကား။ ချစ်သူနှစ်ဦးအတွက် ကမ်းလင့်တောင်းခံနေတဲ့ တောင်းဆု။ အချစ်တခုတည်း အားကိုးလို့မဖြစ်နိုင်ဘူးဆိုတာပြောဆိုလို့ ဆက်ရှိ နေမယ့် ဇာတ်လမ်းတစ်ခု။အနေဝေးတော့လည်းအေးခဲရပါတယ်တဲ့။

သူတို့တောင့်တတဲ့ အာမခံမိုးပေမယ့် တိမ်လေတွေနဲ့
လွင့်ပါးပျောက်ကွယ် အို ….. ငွေတောင်တန်းရယ် …..
အနေဝေးတော့ အေးခဲ့တဲ့အချစ်ဟာ
တကယ်သာမငြိမ်းသေးပဲ ခွဲခဲ့ရင် မခက်ပေဘူးလား …..
ဒီဇာတ်လမ်းလေးအတွက် ….. တချိန်ချိန် ဆက်ရှိဦးမယ်
ခုများတော့ တယောက်က အပြီးအပိုင် ကန့်လန့်ကာချပြီ
မင်းသမီးပျိုလေးအတွက် ….. ပြာပုံပေမယ့်
အဝေးရောက်သားအတွက် မီးလောင်ဆဲ ….. ။

(၂)
ခံစားမှုအသစ်၊ တွေးခေါ်မှုအသစ် တွေကိုရိုးရှင်းတဲ့သံစဉ်တွေနဲ့ဖော် ပြခဲ့ပြီး အကြိမ်ကြိမ်ပြန်နားထောင်းတိုင်း တရှိုက်မက်မက်စွဲနေလောက်အောင် သီဖွဲ့ပြခဲ့သောသီချင်းများထဲတွင် လူတိုင်းခံစားနှစ်သက်ခဲ့ရသည့်သီချင်းက မန္တလေးရောက်ရှမ်းတစ်ယောက်}။ဒီသီချင်းကတော့ စိတ်ပညာဘာသာရပ်နဲ့ မန္တလေးကို ကျောင်းလာတက်ခဲ့တဲ့စိုင်းထီးဆိုင်အတွက်ရော၊ မန္တလေး ဆေးတက္ကသိုလ် မှာ ပညာသင်နေတဲ့ စိုင်းခမ်းလိတ်အတွက်ပါ အမှတ်ရစရာ တွေအပြည့်ရှိနေမှာပင်။ဒီသီချင်းမှာ စွဲနေခဲ့တဲ့စာသားက တောင်ပေါ်သား ဖြစ်ရတာဂုဏ်ယူပါတယ်}တဲ့။
အို ….. အို ….. နေရာချင်းတော့မလဲပါဘူး
တောင်ပေါ်သားဖြစ်ရတာ ….. ဂုဏ်ယူပါတယ်ကွာ
ဒါပေမယ့်လည်း ….. မန္တလေးရောက်ရှမ်းတစ်ယောက်ရဲ့
အဖြစ်ဟာ ….. မလွယ်ပါလား

လူတိုင်းပါးစပ်ဖျားကိုရောက်ခဲ့တဲ့သီချင်း။စိုင်းခမ်းလိတ်နဲ့စိုင်းထီးဆိုင် အတွဲကို လူတိုင်းသတိထားမိစေခဲ့တဲ့သီချင်း။ နယ်ပယ်သစ်ကိုရောက်ခဲ့ပေမယ် ဇာတိကိုတမ်းတလိုက်တဲ့တမ်းချင်း။ အဝေးရပ်မှာပညာသင်ကြား ပြန်ချင်ပေ မယ့်မပြန်နိုင်၊ ရှမ်းအိုးစည်သံ၊ ရှမ်းအကဟန်တွေကိုမမြင်ရတာသိပ်ကြာခဲ့လို့ အောက်မေ့တမ်းတခဲ့တဲ့ ချစ်တဲ့ရှမ်းရိုးမကို ကျော်လွန်ပြီးအရင်ဆုံး အောင်ပွဲခံခဲ့သွားခဲ့တဲ့သီချင်း။စိုင်းထီးဆိုင်တစ်ခေတ်အစပျိုးလိုက်ပြီ။ဒီ သီချင်းပါခဲ့တဲ့ စီးရီးနာမည်က ပျောက်ဆုံးနေသောနိဗ္ဗန်ဘုံ။ စီးရီးတစ် ခုလုံး ရောင်းပြီးရလာခဲ့တဲ့ငွေကြေးက ကျပ်၆၀၀ စွန်းစွန်း။
မန္တလေးရောက်ရှမ်းတစ်ယောက်အောင်မြင်ပြီးနောက်ပိုင်း၊ ပရိသတ် ကြားထဲ အအောင်မြင်ဆုံးဖြစ်ခဲ့တဲ့သီချင်းက မောင့်လပြည့်ဝန်း။ ရေးသူက ကိုနေ၀င်း။ မန္တလေးအဆောင်ရှေ့များတွင် ညပေါင်းများစွာအောင်ပွဲခံခဲ့လေ သီချင်း။ ကိုယ်ပိုင်သံစဉ်ဂီတလောကတလျှောက်ဂန္တ၀င်ဖြစ်လာခဲ့မည့်သီချင်း။

ဒီတညမှာ ….. မြင်ရခဲတဲ့ မောင့်လပြည့်ဝန်း
သာလွန်းတဲ့ ….. အရင်ညက မောင့်လပြည့်ဝန်း
အမှောင်ညကို စွန့်သွားခဲ့ ….. မောင့်လပြည့်ဝန်း
(ကွယ်လွန်ခြင်းကမ္ဘာတစ်ဖက်မှာ ကျန်ရစ်သူ
မျက်ဝန်းမှမျက်ရည်လည်း အမှောင်ဆုံးညတွေ
ဘယ်မှာဆုံးမလဲ မတွေးဝံ့တော့ဘူး …..
သြော် …… မတွေးတတ်တော့ဘူး)
ချစ်၍စွန့်သွားတဲ့မင်းကို
သြော် ….. စွန့်၍ ချစ်သွားမယ်လေ …..

ဆို့နင့်နေတဲ့စိုင်းထီးဆိုင်ရဲ့ဆိုဟန်။ ကိုနေ၀င်းရဲ့ စာသားအလှည့် လူငယ်တွေရူးသွပ်စွာရင်ခုန်လိုက်ကြတာက ချစ်၍စွန့်သွားတဲ့မင်းကို သြော်စွန့်၍ချစ်သွားမယ်လေ} ဆိုသောစာသား။အလည်လွန်ခြင်းကမ္ဘာတစ် ဖက်ကိုထွက်သွားသူ။တဘက်စွန်းမှတသက်နေလဲ အချိုဆုံးစကားတွေ ဘယ်မှာဆုံးမလဲ။ မတွေးဝံ့တော့ဘူး။သြော် မမေးအပ်တော့ဘူး။နယ်ကျွံခြင်း ကမ္ဘာအပျက်မှာတဘက်လူသား ခက်လွန်းမကအခက်ပွေလည်း အငိုဆုံးမှ လေ ပြန်လာဦးမလား။ မပြောတတ်တော့ဘူး။ သြော်မပြောအပ်တော့ဘူး။ စတဲ့…. စတဲ့ စာသားတွေ။ခံစားချက်တူသူလူငယ်တို့ရဲ့ ရင်တွင်းမှပွင့်အန်ခဲ့ တဲ့သီကြွေးသံတွေ ဆင့်ကဲလို့ပဲ့တင်ခဲ့၏။ ဒီလူနဲ့တူသော အကျိုးမျိုးဘ၀ ဆက်တိုင်းမှာမင်းတစ်ယောက်ကင်းလွတ်ဝေးပါစေ။
ဒီလူသားသစ္စာ ကမ္ဘာတည်သရွေ့ပါလို့ ဆိုငြီးကြရင်း ထပ်တွေ့လိုက် ကြတာက လူကြမ်းမင်းသား။ သူများက ဒိုင်းခနဲတစ်ချက်ပစ်ရင် ဘ၀ဟာ တစ်ခါသေရ။ သူငယ်ချင်းက ဇာတ်လိုက်လုပ်ရင် သူခိုးဒမြဖြစ်ခဲ့ရနဲ့ အောင့် အီးလို့နေခဲ့ရသူ။ ရုပ်ဆိုးဖြစ်သမို့ ဘယ်နေရာမဆို အနစ်နာခံရင်း တကယ် သဘာဝကျဖို့ အသုံးတော်ခံရင်း ဖြစ်လာခဲ့ရတာက လူကြမ်းမင်းသား။

ဇာတ်ကြမ်းသမားအဖြစ်ဟာလေ …..
ကောင်းတိုင်းလည်း ….. အကောင်းမထင်ခံရဘူး
(ဒီလူအမူအရာများ ….. အကယ်ဒမီခေါ်ထိုက်သလား
ပြောကြတယ် ….. လူကြမ်းကို ဒီလိုအိုက်တင်များ
အကယ်ဒမီယူထိုက်သလား ကဲ့ရဲ့တယ်)

လူကြမ်းသမားဖြစ်ရင်း၊ အကဲ့ရဲ့ခံအဖြစ်နေထိုင်ရင်း အရာအားလုံးကို
ပြန်ဆွဲတင်ဖို့ ကြိုးစားပြလိုက်သည့် သီချင်းက ပလက်ဖောင်းမင်းသား ။
ကြယ်ရောင်တွေပျောက်တဲ့ညမှ အပြင်လောကသို့ထွက်လာခဲ့သောသူ။မှီခိုရာ အိမ်ဆိုပေမယ့်အိမ်ရယ်မမည်တော့သူ။ ငွေဆိုလို့ တစ်ဆယ်တန် နဲ့အကြွေ တစ်ချို့ သာရှိတော့သူ။ဒီလိုအမှောင်တွေကြားထဲကမှ မျှော်လင့်ချက် ကြီးတစ်ခုကိုရင်မှာပိုက်ထားခဲ့သူ။အားတင်းဆွဲခေါ်လိုက်တာက။

အပျံသင်စ တဖြစ်လဲတဲ့အခါ…..
ကိုယ်ပလက်ဖောင်းမင်းသားအရင့်စား
ရေဆိုတာက ….. နွေအခါမှာခက်သေး
ငွေဆိုတာက ….. ရှာနိုင်သူအဖို့မရှား
(လုပ်စရာရှိတာ ပြီးအောင်မြန်မြန်လုပ်
သိပ်မတွေးနဲ့….. သိပ်မမေးနဲ့ …..
အချိန်ကုန်တယ် ….. လေကုန်တယ် …..
အရလွယ်တိုင်းလည်း ….. တွေ့တာအကုန်မယူနဲ့
အန္တရာယ်က ….. လက်တစ်ကမ်းမှာ
ကြာကြာဝါးမယ့်သွား …..
ဘာစားစားအရိုးကြည့်ရှောင်ဟေ့)

အမှောင်တကာ့အမှောင်တွေကြားထဲကမှ ရတဲ့အလင်းတစ်စကိုကောက် ယူနိုင်ဖို့ချိန်ထိုးပြရင်း ကိုယ့်ခြေထောက်ပေါ်ရပ်ကာနေနိုင်သရွေ့ နောက်ဆုံးနေ့ အထိလျှောက်ဦးဟေ့ လို့ဟစ်ကြွေးသံတွေဆူညံ့ စိုင်းထီးဆိုင် ခေတ်အကောင်း ဆုံးဖြစ်လာခဲ့တာတော့အမှန်ပင်။

(၃)
နွဲ့တင်အတွက်သီချင်းသီချင်းတစ်ပုဒ်၊ နောက်ဆုံးသီချင်း၊ ဘီးနံပါတ် ဥု ၀၁၂၂ူ၊ အိပ်စက်အနားယူပြီ၊ ငယ်ချစ်ဦး၊ နွေနံနက်ခင်း၊ ဥပက္ခာလော ကသား၊ အဖေရောက်တဲ့အခါပြန်နှိုးပါ၊ ရန်ကုန်မှာသာတဲ့လ၊ မေတ္တာရေစုန် မျောခဲ့သူ၊ ကိုယ်တစ်ယောက်တည်းကြောင့်တော့မဟုတ်ဘူး၊ ကိုယ့်အချစ်နဲ့ အရာရာကို အကောင်းအတိုင်းဖြစ်စေမယ်၊ ရေဒီယိုကမာရွတ်၊ မောင့်အရိုင်း ပန်း၊ သခင့်ဆီအပြေးပြန်လာမည်၊ လေညာအရပ်ကအချစ်၊ ဘ၀မီးအီမ်၊ မေမြို့မိုး၊ အားလုံးကိုပျော်စေချင်ခဲ့သူ။
စိုင်းထီးဆိုင်အတွက် စိုင်းခမ်းလိတ်ရေးပေးခဲ့သော သီချင်းပုဒ်ရေပေါင်း ကခုနှစ်ရာကျော်၊ ပစ်ရက်စရာတစ်ခုမှမရှိခဲ့။ သီချင်းတိုင်းအောင်မြင်ခဲ့၏။ မန္တလေးရောက်ရှမ်းတစ်ယောက်ကစလို့ နှလုံးသားမှာကျွန်းခံနေသည်အဆုံး လူငယ်ကြိုက်သီချင်းများစွာ၊ မောင်လပြည့်ဝန်းကဲ့သို့သောဂန္တ၀င်သီချင်းများ၊ သဘာဝကဲ့သို့သောအတွေးအခေါ်သီချင်းများ။
အချိန်တွေကိုဖြတ်သန်းရင်း၊နေ့ရက်တွေကိုဖြတ်သန်းရင်၊ ရာသီတွေကို ဖြတ်သန်းရင်း၊ စိုင်းခမ်းလိတ်နှင့်စိုင်းထီးဆိုင်။ ကိုယ်ပိုင်သံစဉ် ဂီတလောက တလျောက်ရာစုနှစ်တစ်စိတ်ကျော် (နှစ်ပေါင်းနှစ်ဆယ်ငါးနှစ်နီးပါး)လွှမ်းမိုး ထားနိုင်ခဲ့သူ။စိုင်းခမ်းလိတ်၏အရေး၊ စိုင်းထီးဆိုင်ရဲ့ဆိုဟန် ဂီတ၀ိညာဉ် နှစ်ခုပေါင်းစပ်ထားတဲ့မှော်အောင်အနုပညာ၊ ဘယ်လိုမှထပ်မံပေါ်လာ လိမ့်မည်မဟုတ်တော့။
ကရုဏာသံအပြည့်နှင့်သီချင်းတိုင်းကို ခံစားမှုအပြည့်ဖြင့်ဆိုပြခဲ့သူ၊ရှမ်း တောင်တန်းများဆီကအသံသစ်ကို သယ်ဆောင်လာခဲ့သူ၊ စိုင်းထီးဆိုင်တစ် ယောက်ပထမဆုံးထွက်ရှိခဲ့တဲ့စီးရီးမှာကတည်းကဆိုပြထားခဲ့တဲ့သီချင်း၊လူတိုင်း မှတ်မိနေမယ့်သီချင်း။]စိုင်းပြန်ရဦးမယ်}။

ပြန်လည်ဆုံစည်းဖို့ရယ် ….. ရင်မှာ မတင်မကျနဲ့ကွယ်
စိုင်းပြန်ရအုန်းမယ် ….. မကြာခင်ပြန်တွေ့ကြမယ်
ယုံကြည်မျှော်လင့်ရင်းနဲ့ ….. စိုင်းပြန်ရအုန်းမယ်
ကိုယ်ကအဝေး ….. ဘယ်လောက်ဝေးနေ
ဘယ်လောက်ဝေးလဲ …… စိတ်မှာတော့
ချစ်သူထံအမြဲကျန်ရစ်နေမယ်…..

စိုင်းထီးဆိုင်တစ်ယောက်အမှန်တကယ်ပင်ပြန်သွားခဲ့လေပြီ။ ဒီတခေါက် ပြန်သွားခြင်း ကဘယ်တော့မှပြန်လာတော့မည်မဟုတ်။ ပြန်သွားတဲ့ စိုင်းရဲ့ စိတ်ကချစ်သူထံကျန်ခဲ့သလို စိုင်းထီးဆိုင်ရဲ့အသံတွေက ပရိသတ်တွေဆီမှာ တ၀ဲလည်လည်။ ဒီအချိန်မှာမှသီချင်းသံကအတင်းတိုးဝင်လာ၏။စိုင်ခမ်းလိတ် ရေးပြီးစိုင်းထီးဆိုင်ဆိုထားခဲ့တဲ့]မင်းသွားနှင့်တော့ နောက်မှလိုက်ခဲ့မယ်} စိုင်းခမ်းလိတ်ရဲ့ ညီစိုင်းခမ်းသီကွယ်လွန်သွားတုန်းကရေးဆိုခဲ့ကြတဲ့သီချင်း။
စိုင်းခမ်းလိတ်ကိုယ်၌ကလည်းအခုအချိန်မှာဒီသီချင်းကိုပဲဆိုငြီးနေမလားမသိ။

ရှင်ချိန်တုန်းက မင်းပြောလာတယ် ….. ပျော်ပျော်နေသေခဲဆို
သြော် ….. ခုများတော့ ထ ပြီး ထိုင်ကာ
နှုတ်ဆက်စကားပြောဦးလေ …..
နောက်ဆုံးစကားပြောရစ်လေ ….. ပျိုရွယ်ဘ၀မှာ
မာန်မာနနဲ့ ….. မင်းရဲ့အားကို ….. အဆင်မသင့်ခင်
သင်္ခါရက ….. လက်ဦးသွားပြီပဲ …..
ကွေးသောလက်သည် ….. မဆန့်နိုင်ခင်
ဆန့်သောလက်သည် ….. မကွေးနိုင်ခင်
လျှပ်တပြက်လာတတ်တယ်…..
(မင်းသွားနှင့်တော့ နောက်မှလိုက်ခဲ့မယ်နော်
ညီလေးရေ ….. ဘယ်သူမှလဲ ဒီသေခြင်းကို…
မလွန်ဆန်နိုင်ဘူး ….. မရှောင်ဖယ်နိုင်ဘူး …..။ )
ဝါသနာတူလွန်းတဲ့ ….. တို့နှစ်ယောက်ကိုလေ
ညီအစ်ကိုသူငယ်ချင်းတဲ့ …..
တနယ်စီဝေးပြီးသွားသည့်တိုင်အောင် …..
စိတ်ဓာတ်ကမပြောင်းလဲတယ်…..
လမ်းဟောင်းကလမ်းကောင်းပဲ…..
ရည်ရွယ်ချက်တွေ …..
အကောင်အထည်ပေါ်အောင်ကြိုးစားဆဲပါ…..
အလံလုပွဲမှာ ….. အရှင်သေမင်းက
အလဲထိုးသွားပြီပဲ ……
မင်းရဲ့သီချင်းသံ ….. ၀ဲပျံဆဲ
မင်းရဲ့ဘ၀အမြင် ….. ကြားယောင်မြဲ
လက်ခုပ်သံမစဲခင် …..
(မင်းသွားနှင့်တော့….
နောက်ကလိုက်ခဲ့မယ် ညီလေးရေ၊သူငယ်ချင်းရေ …..
နာမည်ကောင်းတစ်ခု ….. အရှင်သေမင်းက
အသေအချာချစ်ရစ်မယ်…… ။)

၂၀၀၈ခုနှစ်မတ်လ ၁၀ ရက်နေ့ကကွယ်လွန်သွားခဲ့သော
ဂီတ အနုပညာရှင် စိုင်းထီးဆိုင်ကောင်းရာသုဂတိလားပါးစေကြောင်း …..

ပြီးခဲ့တဲ့ ဒီဇင်ဘာလတုန်းက ဘယ်လိုရွေ့ကြရမှာလဲ
ဆိုတဲ့ပိုစ်လေးရေးခဲ့ဖူးပါတယ်….
လူငယ်နည်းပညာသမားတွေ …
ပြည်ပအထွက်များနေတာနဲ့.ပတ်သက်လို့..
ဟောပြောပွဲတစ်ခုမှာ ဆွေးနွေးခဲ့ကြတာတွေကို….
ပြန်ပြီးရေးပြထားတာပါ….
ဟောပြောပွဲ နာမည်က နည်းပညာရိုက်ခတ်မှု
အခွင့်အလန်းနှင့် စိန်ခေါ်မှုများ ပါ။
ပြောတဲ့သူ က ကိုရဲမြတ်သူ၊
မန္တလေးဇောဂျီအယ်လ်ဖာ ကုမ္ပဏီက စီအီးအိုဖြစ်ပါတယ်။
သူပြောတဲ့စကားတွေထဲမှာ…
နိုင်ငံခြားသွားနေကြတဲ့ပုံစံတွေကလည်း
သမင်မွေးရင်းကျားစားရင်းပါပဲတဲ့။
ကျားစားလွန်းလို့ ခုဆိုရင်
ကျားစားဖို့ အတွက်ကို သမင်မွေးနေရတဲ့
အခြေအနေဖြစ်နေပါပြီတဲ့။
အဲဒီစကားကို အတော်လေးကြိုက်ခဲ့ရပါတယ်..
မနေ့က ကိုရဲမြတ်သူကိုယ်တိုင်..
အဲဒီပိုစ်လေးအောက်မှာ
ကော်မန့်လာရေးပေးသွားပါတယ်…
သူထပ်ပြောပြတာလေးကလည်း….
စိတ်ဝင်စားစရာကောင်းတာကြောင့်..
ပြန်ပြီးတင်ပေးလိုက်ပါတယ်..
မူရင်းပိုစ်ကတော့ ဒီမှာပါ ….။

လာပြန်ပါပြီ ကောလဟလသတင်းတစ်ခုပါ..
မေဆွိတစ်ယောက် လန်ဒန်မှာအက်ဆီးဒင့်ဖြစ်လို့ ဆုံးသွားပါပြီတဲ့။
ထွက်လာတဲ့သီတင်းတွေကထဲက…
ဖိုရမ်တစ်ချို့နဲ့ အလွတ်ပြောနေကြတာတွေများပါတယ်…
အစ်မတစ်ယောက်ပို့လိုက်သတင်းရင်းမြစ်တစ်ခုထဲမှာ
့အေပီ သတင်းဌာနကပါ ပါလာလေတော့
ေ၀၀ါးသွားမိပြန်ရော…သူကတော့
အခိုင်အမာကိုပြောဆိုထားပါတယ်….
သူဆိုတားတာက ဒီလိုဗျာ….

Myanmar’s famous singer and actress May Sweet died

London, United Kingdom (AP) — Myanmar’s famous actress and singer May Sweet died in head on collision car accident near M4 Motorway in London, United Kingdom. Details of the accident are sketchy at the moment, however, according to sources at West Ealing Hospital, Sweet was travelling with 3 other passengers in an old Ford Escort. The driver has been identified as Mr. Pauk Sa, a failed asylum seeker with no fixed address and have no driving license. The Ford Escort car, which Sweet and party were travelling was said not to be in a road worthy condition and that the car was travelling well above national speed limit.

Sweet body has been taken to West Ealing Hospital and a detail post morten will be carrying out on Monday evening to determine the cause of death. A spoke person from Myanmar community in United Kingdom said Sweet was in London for pre-gig reharsals for her upcoming Myanmar New Year festival concert with fellow Myanmar singer, Thein Dan.

နောက် နီးစပ်ရာလှမ်းမေး..
အတည်ပြုကြည့်တော့..
မေဆွိနဲ့အနီးစပ်ဆုံး ၊အခိုင်မာဆုံးသိတင်ရပ်ကွက်က..
ဒီသတင်းမမှန်ကြောင်းပြောတယ်လို့..
သူငယ်ချင်းတစ်ယောက်ကဖုန်းဆက်လာပါတယ်။
သက်ပြင်းတော့ချမိသား…
အခုဒီအကြောင်းရေးနေချိန်ထိတော့..
ဘာမှကိုအတိအကျပြောလို့ကိုမရသေးပါဘူး
စဉ်းစားကြည့်တော့လည်း
ပြည်တွင်းက သတင်းတစ်ခုကိုတောင်
အင်တာနက်မှာ အချိန်ပိုင်းအတွင်း သေချာအောင်…
ပို့ပေးနိုင်ရင် ပြည်ပမှာဖြစ်တဲ့ အကြောင်းတစ်ခုလည်း..
မှန်ရင် ပလူပျံနေမှာပေါ့လို့..
ဘာမှသေချာတဲ့လောကမှာ..
အသေချာဆုံးဘာလဲဆိုတာမရှိနိုင်သေးသရွေ့….
ကောလဟာလတွေကတောထွက်နေအုန်းမှာပါပဲ..
သေချာအောင်စစ် ကြည့်ရတာတော့မောတယ်ဗျို့..
ကိုင်း ကျုပ်အလှည့်ဗျို့..
တကယ်မောတယ်ဗျ.. အရပ်ကတို့ရဲ့..
ပူကလည်းပူသေး ၀ူး…….

တနင်္ဂနွေနေ့ဟာ..
အလွန်တရာပူပြင်းပြီး..
မီးစက်သံတွေကလည်း ဆူညံနေတယ်…
တစ်နေရာရောက်တာနဲ့
ထွက်သွားချင်လောက်အောင်….
စိတ်ကတွန်းပို့နေတယ်…
ခေါင်းထဲအတင်းဝင်လာတဲ့ ကဗျာက