Archive for April, 2008
{ April 30,08 @ 7: 23 pm }
·
{ poem }
{ }
·
{ }
အဖျားရိုင်း
မိုးရေတွေကြားက တပေါက်ပေါက် လွင့်စင်နေတဲ့ရေစက်တွေ..
အမိုးအောက်ကခုန်ထွက်လိုက်တာ…
ဦးနှောက်ထဲစိမ့်ဝင်သွားတဲ့ရေတစ်စက်…
နှလုံးသားကိုတဖျတ်ဖျတ်ခါစေတယ်…
ဒါဟာ ကမ္ဘာဦးသူတို့မီးကိုစတင်တွေ့ရှိခဲ့သလို …
အရိုင်းဆန်တယ်…
ဘာမှမဖြစ်တဲ့ရေတစ်စက်က ခန္ဓာတစ်ခုလုံးကိုင်လှုပ်..
အဖျားဒီဂရီ စံချိန်တင်တယ်..
ခြောက်ကပ်အာခေါင်ထဲက အော်ဟစ်နေတဲ့တောင့်တမှုတွေ
အဖျားရိပ်ကို အဖျားသွေးနဲ့ချိန်စက်တာ..
င့ါကို ဒီအတိုင်းပဲထားလိုက်ကြပါတော့..
သွေးစိမ်းတရှင်ရှင်ထွက်လို့ အတင်းရုန်းထနေတဲ့စကားလုံးများ..
အပြင်ကို ခုန် ထွက် သွား
ပါကင်ထုတ်ထားတဲ့ လောကဝတ်တွေနဲ့..
အရောင်ပြယ် အပြုံးတုတွေသုံးရင်း…
လာမနှိပ်စက်ကြပါနဲ့
ရပ်လိုက်ကြပါတော့…. ဖိနင်းထားတဲ့နှိပ်စက်ခံစားမှုတွေ…
ဆွံ့အနေအောင် စုန်းတောက်ခံလိုက်ရတာ
ငါ့….. အ တွေး
ငါ့……အ တွေး … တွေ…. ပြန်ပေးကြပါ
ငါ့အတွေးက ငါ့ကမ္ဘာ…
ငါ့အတွေးက ငါ့အိပ်မက်…
ငါ… ဖျား… ချင်… တယ်
ငါ… ဖျား… တော့… မယ်
ငါ… ဖျား… နေ… တယ်
ငါ.. ဖျား… နေ… ပြီ
ဒီ အ တိုင်း ပဲ ထား ခဲ့ ကြ ပါ တော့။
မုတ်သုန်လေ
ဧပြီ ၃ဝ ၊၂ဝဝ၈
{ April 30,08 @ 1: 24 am }
·
{ မျက်မှောက်ရေးရာ }
{ }
·
{ }
ကျောင်းဖွင့်ချိန် … စိန်ပန်းတွေလည်း… မြေမှာကျဲပြန့်နေ..
ကံကော်ပန်းတွေနဲ့အတူ… သူနဲ့တွေ့ရာမြေ…
တက္တသိုလ် သို့မဟုတ် မြကျွန်းသာအင်းလျာကန်ရေမြေ…
ချစ်ရက်ရှည်ရှည်အင်းလျာမြေဆိုတဲ့သီချင်းကိုကြားလိုက်တိုင်း.
ပထမဆုံးမြင်ကွင်းထဲဝင်လာတာက ..
ကျဲပြန့်နေတဲ့စိန်ပန်းတွေ…
နောက်မှ အင်လျားနောက်ခံ၊ ကံ့ကော်ပန်းနဲ့….
ချစ်သူတို့ရဲမေတ္တာနယ်မြေ…
အတော်ပဲ လွမ်းမောစရာကောင်းပါတယ်..
အခုရန်ကုန်မှာတော့ စိန်ပန်းတွေအတော်ပွင့်နေပါတယ်…
ငုတွေကြွေ၊ ပိတောက်တွေပြေ၊ ပျဉ်းမတွေလေမှာလွင့်နေတဲ့အချိန်..
စိန်ပန်းတွေက ပင်လုံးကျွတ်လှပန်းဆင်နေပါတယ်..
မိုး .. ဆွေအောင်ရွာခဲ့တာတောင်..
အလှမပျက် ပင်လုံးဆင့်နေတဲ့ စိန်ပန်းတွေရယ်ပါ…
ဒီတစ်ခေါက် စိန်ပန်းပွင့်တွေကိုတော့..
မိုးရွာနေတဲ့ကြားက ထီးတဖက်ကိုင်ရင်း ရိုက်ရတာကြောင့်..
စိတ်တိုင်းမကျလှပေမယ့်..
ရှိတဲ့ပုံလေးတွေပဲ တင်ပေးလိုက်ပါတယ်..
အစ်မဟန်နီ နဲ့ အစ်မနုစံ တို့အတွက် အထူးရည်ရွယ်ပါတယ်..
နောက်… ပန်းချစ်သူများအတွက်ပေါ့..
{ April 30,08 @ 1: 02 am }
·
{ memories }
{ }
·
{ }
နှစ်ဆယ့်သုံးကမ္ဘာဖြတ်ကျော်ခဲ့ခြင်းနေ့ရက်အတွက်
ဆုမွန်ကောင်းပိုသခဲ့သူအားလုံးကို
အထူးပင်ကျေးဇူးတင်ရှိပါကြောင်း…
ခင်မင်စွာဖြင့်
မုတ်သုန်လေ
{ April 27,08 @ 12: 54 am }
·
{ diary, memories }
{ }
·
{ }
တစ်နှစ်တစ်နှစ်ကိုဖြတ်သန်းနေရတာတစ်ကမ္ဘာလောက်ကြာတယ်…
အခုတော့နှစ်ဆယ်သုံးကမ္ဘာပြည့်သွားခဲ့ပြီ…
၁၉၈၅ ခုနှစ် ဧပြီ ၂၇ ရက် စနေနေ့
ညနေငါးနာရီလောက်ဗိုက်နာလာတာ …
ဆေးရုံကိုအဘိုးလိုက်ပို့တာလေ …
ဟိုလည်းရောက်ရောဘာမှတောင်မလုပ်ရသေးဘူး…
တခါတည်းမွေးလိုက်တာပဲ ဗိုက်နာချိန်တောင် မရှိခဲ့ဘူး…
မောင်နှမတွေထဲမှာသားငယ်ကိုမွေးရတာအမြန်ဆုံးပဲ …
ဘယ်လောက်တောင်လောကကြီးထဲရောက်ချင်နေလဲမသိဘူး…
နားထဲမှာအခုထိစွဲနေသေးတဲ့….
အမေရဲ့အိပ်ရာဝင်ပုံပြင်တွေထဲကတစ်ခု….
အခုတော့လည်းလွမ်းစရာတွေရယ်ပါ…
သူငယ်ချင်းတွေကတော့ပြောပါတယ်..
မင်းကိုနှစ်ဆယ်ကျော်လိုပြောရင် ..
ဘယ်သူမှယုံမှာမဟုတ်ဘူးတဲ့..
သုံးဆယ်လောက်လို့ပဲထင်ကြမှာတဲ့…
ထားပါတော့လေ…
အခုအသက်နှစ်ဆယ့်သုံးနှစ်…
ဘာမှမဖြစ်သေး၊ ဘာမှမလုပ်ရသေး…
လုပ်စရာတွေတော့အများကြီးရှိနေသေးသည်။
ပြောချင်တာလည်းပြောပြီးသွားပြီဆိုတော့ ဝါးတီးပေါ့ဗျာ..
အားမနာတမ်းသာစားသွားကြပေတော့ .. 
မုန့်ဟင်းခါးကြိုက်သူတွေအတွက် …
မုန့်ဟင်းခါးမကြိုက်တဲ့သူတွေအတွက်တော့ ရှမ်းခေါက်ဆွဲပေါ့
ထမင်းပါစားချင်တယ်ဆိုလည်း ရသဗျာ ဟင်းကတော့ သိပ်မကောင်းဘူး
လက်ဖက်သုတ်လေးလဲစားသွားပေါ့
ရေနွေးသောက်ချင်သူတွေအတွက်
(လက်ဖက်ခြောက်ကတော့ အစ်မဟန်နီဆီက ယူလာတာ.. 
)
အချိုပွဲလည်း စားလို့ရပါရဲ့
{ April 27,08 @ 12: 25 am }
·
{ diary }
{ }
·
{ }
အဖေရေ
ကျွန်တော်အသက်နှစ်ဆယ့်သုံးနှစ်ပြည့်ခဲ့ပြီအဖေ…
ကျွန်တော့်ကိုမွေးတဲ့အချိန်
ရှေကတန်းထွက်သွားရလို့အမေ့အနားမှာရှိမနေခဲ့တဲ့
အဖေဘယ်လိုနေရှာမလဲ…
သားနှစ်ယောက်လုံးက စနေတွေလေ…
အကြီးကောင်က မနက်ပိုင်း အငယ်ကောင်က ညနေပိုင်းမွေးတာ..
အငယ်ကောင်က အရမ်းလူကြောက်တတ်တယ်..
အိမ်ကိုလာလည်တဲ့ဧည်သည်တိုင်းကို ..
အဖေပြောနေခဲ့တဲ့စကားတွေထဲကတစ်စွန်းတစ…
ငယ်ငယ်တုန်းကတော့အမေ့ကိုအဖေထက်ပိုပြီးခင်တွယ်ခဲ့တယ်…
အမေရှိရင်အရာရာလုံခြုံတယ်….
အမေ့ကိုခင်တွယ်တဲ့သားကအဖေ့ရဲ့အဘိဓမ္မာတွေနဲ့ကြီးပြင်းခဲ့..
ဒုတိယတန်းအောင်စာရင်းထွက်တဲ့နေကတုန်းက ..
အဖေပေးခဲ့တဲ့မုန့်ဖိုးနှစ်ကျပ်…
တစ်ဘဝလုံးအတွက်ငွေကြေးသင်ခန်းစာအမှတ်တစ်…
ကျွန်တော်တို့ဘာကြောင့်ရန်ကုန်ကိုလာခဲ့တာလဲ…
ရှမ်းပြည်မှာနေရင် မင်းတို့တွေ သူပုန်ဖြစ်ရင်ဖြစ်…
သူပုန်မဖြစ်ရင်စစ်သားပဲဖြစ်မှာ …..
သူပုန်ရော၊ စစ်သားပါမဖြစ်စေလိုတဲ့အဖေ့ရဲ့ဆန္ဒ
ရန်ကုန်ဟာ ကျွန်တော်ဆိုအတွက်စစ်မြေပြင်ဖြစ်ခဲ့တယ်….
ရိုးသား ကြိုးစားဆိုတဲ့ အဖေ့ရဲ့အဘိဓမ္မာ…
သားသမီးတွေအတွက်အဖေမက်ခဲ့တဲ့အိပ်မက်တွေ …
ဘယ်လောက်ပြည့်စုံခဲ့ပါသလဲ….
ဆယ်တန်းဖြေပြီးစ အပြင်အလုပ်ထွက်လုပ်မယ်ဆိုတော့ …
အမေက မျက်ရက်တစမ်းစမ်း …
အဖေကတော့ ငွေရှာတတ်မှငွေရဲ့တန်ဖိုးသိရမယ်တဲ့ …
အဖေ့စစ်တဲ့သင်ခန်းစာတွေ စာမေးပွဲတိုင်းကျော်ဖြတ်ခဲ့တယ်…
၂ဝဝ၁ကုန်စနှစ်တွေကနေ အခုနှစ်တွေအထိ…
လူပေါင်းများစွာနဲ့တွေ့ဆုံခဲ့သမျှ ..
အဖေ့ရဲ့အဘိဓမ္မာက…
လက်တွေ့အကျိုးဖြစ်ထွန်းဖို့တော့ခက်တယ်အဖေ….
ဒါပေမယ့် အဖေပြောတဲ့စကား
ကျွန်တော်နားထဲကမထွက်ပါဘူး..
ဘယ်လောက်ပဲဆင်းရဲနေပါစေ …
ရိုးသား ကြိုးစား လူတွေကိုသတိထားပေါင်းပါတဲ့ …
ငယ်ငယ်ကလူကြောက်ခဲ့တဲ့ကျွန်တော်
အခုတော့လည်း လူတွေကြားမှာရုန်းကန်ရင်း…
အဖေမက်ခဲ့တဲ့အိမ်မက်တွေဆက်မက်ဆဲပါအဖေ..
အမေလည်းမျက်စိတွေမှုန်လာပြီ…
အဖေလည်းဆံပင်တွေဖြူလာပြီမဟုတ်လား …
သားသမီးတွေကို ပညာနဲ့အသက်မွေးစေလိုတဲ့အဖေ…
ကြုံရာအလုပ်လုပ်ပြီးပိုက်ဆံရှာရတာထက်
စားပွဲပေါ်ထိုင်ပြီးပိုက်ဆံရှာတာကို ဖြစ်စေချင်တဲ့အဖေ
ပညာနဲ့ရှာဖွေစားသောက်၊ အယူအဆတွေကွဲ သူနဲ့အမြဲခံငြင်း …
စာအုပ်ထဲကစကားလုံးတွေရွတ်ပြတတ်တဲ့…
သူ့သားငယ်ကိုမြင်တိုင်း… သူကျေနပ်နေရောပေါ့…
လကုန်တဲ့ရက်တွေဆို ကျွန်တော်အတွက်အပျော်ဆုံးကမ္ဘာ…
၁၇နှစ်လုံးလုံ အဖေ့ရှာကျွေးတဲ့ထမင်း ဒီအတိုင်းထိုင်စားခဲ့ရတာ..
ဘယ်လောက်များ အားနာစရာကောင်းလိုက်လဲလို့ ….
အခုတော့လည်းအများကြီးပြောင်းလဲခဲ့ပြီအဖေ…
အခုအခြေအနေလောက်နဲ့အဖေကျေနပ်နေပေမယ့်..
လုပ်စရာတွေကအများကြီးရှိနေသေးတယ်အဖေ…
ရှေ့ဆက်ရမယ့်လမ်းတွေအများကြီးကျန်သေးတယ်…
အဲဒီလမ်းတွေအတွက် ကျွန်တော်စိုးထိတ်မိတယ်အဖေ…
ဘယ်အရာမှအာမခံချက်မပေးတဲ့အခြေအနေမှာ …
အတိမ်းအစောင်းတစ်ခုဖြစ်တာနဲ့ ထမင်းငတ်လောက်တယ်အဖေ…
အရာရာကို ကိုယ်ပိုင်ဆုံးဖြတ်ချက်နဲ့ပဲသွားဖို့ အဖေမှာတဲ့စကား..
ကျွန်တော်အတွက် အားဖြစ်စေပေမယ့် …
အခုတော့ အနာဂတ်အတွက်တွေးပူနေရတယ်အဖေ…
ဘဝတစ်ခုလုံးပင်ပန်းတကြီးဖြတ်သန်းခဲ့တဲ့အဖေလည်းသိမှာပေါ့…
ရှေ့ကအမှောင်ထုတွေထဲ ဘယ်လိုတိုးဝင်ရမလဲအဖေ…
ဖြတ်သန်းခဲ့တဲ့နှစ်ဆယ့်သုံးနှစ်မှာ ဘာမှမဖြစ်ခဲ့ပေမယ့်
ရှေ့လာမယ့်နှစ်ဆယ့်သုံးနှစ်ကတော့ လွယ်မယ်မထင်ဘူးအဖေ..
ဘာမှကိုအာမခံချက်မပေးနိုင်သေးတာကြောင့်
အရာရာတိုင်းအတွက် ကျွန်တော်ကတော့ စိုးထိတ်နေဆဲပါပဲအဖေ… .
{ April 26,08 @ 2: 54 am }
·
{ မျက်မှောက်ရေးရာ }
{ }
·
{ }
photo from cupid forum
သင်္ကြန်အတက်နေ့က ဥိးပိန်တံတား ကျိုးသွားတယ်တဲ့..
စကြားတုန်းကတော့ ကောလဟလလို့ထင်ထားခဲ့တာ..
နီးစပ်ရာမေးကြည့်တော့လည်း နဲနဲပါးပါး ပါတဲ့..
ဓာတ်ပုံတွေမြင်လိုက်ရတော့မှ လန့်သွားတာ..
ဘယ်နှယ့် နဲနဲလေးရမှာတုန်း …
အတော်ကိုပျက်စီးသွားခဲ့တာ…
မုတ်သုန်တို့လူမျိုးတွေဟာ…
ဘာကြောင့်များ ရှေးဟောင်းပစ္စည်းတွေကို
တန်ဖိုးမထားတတ်ကြရတာလဲ..
တန်ဖိုးထားရကောင်းမှန်းလောက်တောင်
အသိဥာဏ်မရှိတော့တာလား…
ထိမ်းသိမ်းတာထက်…
ဖျက်ဆီးတာမျေားနေတာတော့အမှန်..
ဦးပိန်ကတော့ ပျက်စီးခြင်းရဲ့ သံဝေဂ စကားပြောတယ်…
ပြန်အသစ်လဲလို့မရတဲ့ ခေတ်တွေ ဦးပိန်ဆီမှာရှိနေတယ်..
အခုတော့… နှမျောမိပါတယ်….။
{ April 26,08 @ 2: 30 am }
·
{ poem }
{ }
·
{ }
ခွဲခွာမှုလိုတွေ့နေကျ
လူးလွန့်အတွေးတို့ငြိမ်သက်
မျှော်မှန်းကြည့်မိရာက
မဖြစ်သေးဘူးလို့ကျောခိုင်းထ
နောက်များမှ တွေ့ကြစို့ရဲ့။
ဖျတ်ခနဲထလို့ တိုးဝင်ရွှေလျားသွား
ဘယ်တော့ပြန်လာခဲ့မယ်ဆိုတာဟာ
အကြောင်းတရားမဲ့လွတ်မြောက်ခြင်းမဟုတ်ခဲ့
လွတ်ထွက်သွားတဲ့ဆုပ်ကိုင်မှု
မြင်ခဲ့ရာနောက်ဆုံးကျောတဆုံးက မှုန်ပြပြ။
ဝန်ပိုတို့ ထမ်းပိုးသယ်ယူရာ
တိုးရိပ်ပြကိန်းဂဏန်များနဲ့အတူ
မပြီးဆုံးသော ပြဇာတ်တစ်ပုဒ်သီိဖွဲ့ရာ
အခြေအနေတို့ကွာဝေးလွန်းခဲ့သလား။
ပြန်လည်တွေ့ဆုံဖို့ရာ မကျိန်းသေတဲ့
ဆုံခန်းတိုင်ရွေးချယ်မှုကွန်ယက်
တစ်ချိန်မှာ အလှည့်ကျရောက်ခဲ့တော့
လက်ပြနှုတ်ဆိတ်လို့ကျန်ခဲ့ပါပေါ့။
{ April 24,08 @ 11: 08 am }
·
{ တွေးစရာ }
{ }
·
{ }
အစ်မကေသွယ် ရဲ့ တနှစ်စာဘလော့သက်ပြင်း သွားပြီးဆားချက်ထားတာပါ..
ဘလောဂ်ရေးတယ်… ဒီအတွက် ဘယ်လိုသဘောထားမိသလဲဆိုတာလေး……. ဒီလောက်ပါပဲ
မူရင်းပိုစ်က ဒီမှာ ပါ..
ရေးပေးခဲ့တဲ့မှတ်ချက်က…..
အစ်မရေ…အရမ်းပြည့်စုံနေတော့လည်း
ဘယ်လိုမှတ်ချက်မျိုးပေးရမလဲတောင်မဝေခွဲတတ်တော့ဘူး..
အခု.. ကျနော်တို့တွေဘလောဂ်ကြတယ်…
အဲ့ဒီဘလောရ်ခြင်းတွေအတွက်စတင်ခြင်းဟာ..
ဘာအရောင်တွေမှမရှိခဲ့ပါဘူးနော်…
ရေးခဲ့ကြတဲ့အခါကျတော့လည်း… နေ့စဉ်ထမင်းစားကြရသလိုပေါ့…
စားကောင်းတဲ့ရက်ရှိသလို စားမကောင်းတဲ့ရက်ကလည်းရှိ
ဝရုတ်သီးဝါးမိတဲ့ရက်ရှိသလို …
ငါးရိုးဆူးမိတဲ့နေ့တွေကလည်း ရှိကြပြန်တာပေါ့…
ဒါပေမယ့် နေစဉ်စားနေရတဲ့ထမင်းဝိုင်းမှာ …
ဒါမျိုးတွေဟာ မထူးတော့ပါဘူးဆိုတဲ့အတွေးလေးတွေနဲ့ပဲ
ရေထသောက်တန်သောက် ငှက်ပျောသီးမြိုလိုမြိုနဲ့ ဖြေရှင်းကြပြီး
ထမင်းကိုဆက်စားခဲ့ကြတာပဲမဟုတ်လား…
တခါတလေ ဘလောဂ်ရေးတာဟာ
နေ့စဉ်ထမင်းစားခြင်းနဲ့တူနေတတ်ပါတယ်…
ရံဖန်ရံခါတော့လည်း ထမင်းစားချင်စိတ်ကိုကုန်ရော…
နောက်တစ်ခုက အသိအမှတ်ပြုခံလိုခြင်း …
စိတ်ပညာသဘောအရရော လောကနိယာမတွေအရပါ
ကျနောတို့ဟာ သူတစ်ထူးရဲ့..
အသိအမှတ်ပြုခံလိုမှုကို တောင့်တနေတတ်ကြပါတယ်…
ဒီအချက်ကလည်း ဘလောဂ်ရေးဖို့ တွန်းအားဖြစ်စေခဲ့တယ်လေ…
စာပေဝါသနာရှင်တစ်ယောက်သူ့ရဲ့လက်ရာလေးကို
ပထမဆုံးပုံနှိပ်ဖော်ပြခံရတဲ့အခါ ဝမ်းသာမိတဲ့စိတ်လိုမျိုး …
လွတ်လပ်ပျော်ရွှင်ခြင်းတွေနဲ့ ဘလောဂ်တွေကိုရေးခဲ့ကြတာ…
အရာအားလုံရဲ့ နောက်ဆုံရည်မှန်းချက်က ..
ကိုယ်ပြောလိုတာလေးသူများသိစေဖို့..
ကိုယ့်အမြင်ကို သူတို့ဘယ်လိုမြင်ကြလေမလဲဆိုတဲ့ အမြင်…
ဒါလေးတွေက အသိမှတ်ပြုခံလိုခြင်းတွေပါပဲလားအစ်မရေ…
ဘယ်လိုပဲဖြစ်ဖြစ် ဘယ်လိုပဲတွေးတွေး မည်သို့ပင်ပဲဆိုဆို…
အရာတစ်ခုမှာ ကောင်းခြင်းနဲ့ဆိုးကျိုး ဒွန်တွဲနေသလိုမျိုး…
အကျိုးအပြစ်ဆိုတာကလည်း ရှိနေဦးမှာပေါ့လေ…
Blog..Blogger..Blogging မှာအစ်မပြောသလိုပဲပေါ့လေ…
အရေးကြီးတာက…ဟောဒီ..ဒစ်ဂျစ်တယ်ပုံရိပ်ယောင်ကမ္ဘာ ကြီးထဲမှာ..
ပုံရိပ်စစ်တွေပျေက်ကွယ်နစ်မြုတ်မသွားအောင်တော့..
သတိကြီးကြီးထားဖို့လိုမယ်ဆိုတာလောက်ပါပဲ..
ဒိတစ်ခုတည်းနဲ့လုံလောက်သွားပါပြီလို့…
ယုံကြည်မိပါတယ်ဗျာ…
ဘလောဂ်ရဲ့ဥိးတည်ချက်၊ ဘလောဂ်ဂါရဲ့ရပ်တည်မှု
မျှော်ကိုးတဲ့ရလဒ်တွေ …
ဒီအရာတွေအားလုံးဟာလည်း …
ဘလောဂ်ရေးသူတစ်ဦးတည်းရဲ့…
စိတ်တစ်ခုတည်းမှာသာ မှီတွယ်နေမှာဖြစ်တာကြောင့်လည်း….
ကျနောတို့ရဲ့စိတ်တွေလွတ်လပ်ပွင့်လင်းမျှတနေသမျှ
ကာလတစ်လျှောက်လုံး ဘလောဂ်ရေးသားခြင်းတွေ
ဆက်ရှိနေလိမ့်မယ်လို့တော့ ယူဆမိပါတယ်ဗျာ…….။
{ April 24,08 @ 11: 00 am }
·
{ သီချင်းများ }
{ }
·
{ }
သီချင်းက ဒီမှာပါ …
မနိုင်းနိုင်းဘလောဂ်က လင်ခ့်ယူပါတယ်
အိမ်ကိုလွမ်းနေကြတဲ့သူတွေ…
အိမ်ပြန်ချင်နေကြတဲ့သူတွေ…
နောက်….
တောတောင်ရိပ်ခို … ယာတောလေးတွေကြား…
တွယ်တာရတဲ့အသိုက်အမြုံလေးတစ်ခုနဲ့..
ဘဝကိုဖြတ်သန်းသွားချင်နေကြတဲ့သူတွေ…
သူတို့တွေအားလုံးအတွက်…
လွမ်းဘွဲ့တစ်ပုဒ်ပါပဲ..
ဓီရာမိုရ်…
နာမည်အရင်းက ကိုဖော်ထက်..
နိုင်ငံရပ်ခြားမှာ ဂီတပညာတွေသွားရောက်လေ့လာခဲ့ပြီး…
မြန်မာပြည်ကိုပြန်လာခဲ့တဲ့သူ…
မြန်မာသံစဉ်တွေသံစဉ်တွေကို…
ခေတ်ဟန်အပြည့်ဖန်းတီးပေးခဲ့တဲ့သူ…
ခေတ်ပေါ်သံစဉ်.. စာသားတွေလည်း ခြယ်မှုန်းပြခဲ့သူ..
လူငယ်အဆိုတော်တွေအတွက်ရော…
နောက်ပိုင်းထွက်ခဲ့တဲ့ ရုပ်ရုင်တွေမှာရော….
music arrangement တွေကို …
ဆန်းသစ်လှပအောင် ဖန်တိးပေးခဲ့သူ…
လူကြိုက်များဟာသစာရေးဆရာ အကြည်တော်ရဲ့ အစ်ကို
ကိုယ်တိုင်သီချင်းဆိုဖို့မေ့လျော့နေသောသူ..
အခုတော့ သူ့ရဲ့ အယ်လ်ဘမ်လေးထွက်လာခဲ့ပါပြီ..
ကျွန်တော်နှင့်ဂီတ…
အဲဒီအထဲမှာပါလာတဲ့ သီချင်း..
သီချင်းနာမည်က အိမ်…
အိမ်
ကမ္ဘာမြေမှာ ခိုလှုံရာခေါ်ဆိုတဲ့အိမ်..
ရံရွေလည် ထယ်ဝါစွာဆင်စွယ်နန်းအိမ်
ကျူထရံတွေ ကာရံကာ ဓနိမိုးအိမ်
နှလုံးသားတွေနွေးထွေးရင်ဒါဟာလည်းအိမ်…
အိမ်တစ်အိမ်မှာ မှီတည်ရာဘာသာတရားတွေ…
ကမ္ဘာမြေကိုဖြူစင်စွာအကြင်နာမျှဝေ..
ပိုင်ဆိုင်ရာ တွယ်တာရာ ဒီရင်သွေးတွေ
ဆည်းလည်းသံ လှိုက်ခတ်စေ ဒီချစ်ခြင်းတွေ..
(ကလေးလေးတွေ နွေးထွေးဖို့လေ..
ကမ္ဘာမြေမှာ.. အိမ်တစ်အိမ်ဆောက်ကြမယ်လေ..
မြင့်မြတ်ခြင်းတွေ ငြိမ်းအေးခြင်းတွေ…
ကမ္ဘာမြေမှာ ညင်သာစွာစီးဆင်းဖို့လေ….)
အိမ်အပြင်မှာ ၀ါပင်တွေကိုယ်တိုင်စိုက်မယ်
ကိုယ်တိုင်ငင်ဝါချည်မျှင် ဖျင်တဘက်ရယ်….
အိမ်အပြင်မှာ ကိုယ်တိုင်ထွန် ကိုယ်တိုင်စိုက်တဲ့..
စပါးရိတ်ချိန် ၀ိုင်းဖွဲ့မယ် ဆန်အရက်ရယ်….
ဒီအချိန်ဆို အိမ်အပြင်မှာ ကဗျာတွေရွတ်မယ်..
လာပါကွယ် အိမ်အပြင်မှာ ဂီတာတီးမယ်..
ရင်ခွင်မှာ ကြင်နာသူ ချိုအနမ်းရယ်..
ချစ်မိတ်ဆွေ စည်းချက်ညီ အတူတူကမယ်…
(ကလေးလေးတွေ နွေးထွေးဖို့လေ..
ကမ္ဘာမြေမှာ.. အိမ်တစ်အိမ်ကိုဆောက်ကြမယ်လေ..
မြင့်မတ်ခြင်းတွေ ငြိမ်းအေးခြင်းတွေ…
ကမ္ဘာမြေမှာ ညင်သာစွာစီးဆင်းဖို့လေ….)
ရင်ခွင်မှာရှင်သန်ရာ ခိုမှီရာ အိမ်တစ်အိမ်ကို..
ကမ္ဘာမြေမှာ တည်ဆောက်ကြမယ်..
အဆောင်အယောင်တွေမဆင်ရင်စေ..
ရင်ခွင်အိမ်ပျော်ရွှင်ပါစေ…
ဒဏ္ဍာရီရာဇ၀င်လို..
ဝိညာဉ်အိမ် စိန်စီရာ ရတနာခြယ်…သိင်္ဂါရီအိမ်…..
တစ္ဆေတစ်ကောင် ဟန်ဆောင်သလိုမာယာကင်းမဲ့..
မနာလိုတဲ့မစ္ဆရိယ ချည်နှောင်မှုမဲ့..
ကံစီရင် ယုံကြည်စွာ ကမ္ဘာမြေမှာ…
တို့အိမ်…. ငါတို့အိမ်..
ရဲရင့်လိုက်ချစ်တဲ့အိမ် တို့ဆောက်ကြမယ်…
(ကလေးလေးတွေ နွေးထွေးဖို့လေ..
ကမ္ဘာမြေမှာ အိမ်တစ်အိမ်ကိုဆောက်ကြမယ်လေ…
မြင့်မြတ်ခြင်းတွေ ငြိမ်းအေးခြင်းတွေ…
ကမ္ဘာမြေမှာ ညင်သာစွာစီးဆင်းဖို့လေ…။
{ April 23,08 @ 11: 15 am }
·
{ poem }
{ }
·
{ }
ဂျိုကာများတဲ့ဖဲထုတ်
အခြေအနေက အဆင်မပြေဘူး
နေပူတော့လည်းပူလို့…. မိုးရွာတော့လည်း မိုးရွာလို့
ငါတို့… ဘာကိုအလိုမကျဖြစ်နေသလဲ
လောကနဲ့ လိုက်လျောညီထွေလည်း နေတတ်တယ်။
ဇဝနဥာဏ်ဖျတ်ဖျတ်လတ်လတ်နဲ့လည်း ဟာသလုပ်ပစ်တတ်တယ်။
အတတ်ပညာ…. နည်းပညာပေါင်းစုံနဲ့လည်း…
ကိုယ့်ကိုကိုယ် သက်တောင့်သက်သာရှိအောင်နေတတ်တယ်။
အရှက်ပြေလည်း ချော်လဲရောထိုင်လုပ်တတ်တယ်။
လုပ်သလိုမဖြစ်လည်း ဖြစ်သလိုလုပ်တတ်တယ်။
ဖြစ်သမျှအကြောင်း အကောင်းချည်းပဲ … တရားလည်းရှိတယ်…
ပျော်ပျော်နေသေခဲ.. ရေလိုက်ငါးလိုက်လည်းနေတတ်တယ်။
ငါးမရလည်းရေချိုးပြန်တယ်။
သစ်မရှိခင်စပ်ကြားမှာလည်း ဝါးဘောင်ကွပ်တတ်တယ်။
ကြာကြာဝါးမယ့်သွား
ဘာစားစား အရိုးလည်းကြည့်ရှောင်တတ်တယ်။
မိုးခါးရေ တကယ်မသောက်ပဲနဲ့လည်း
ရူးချင်ယောင် ဟန်ဆောင်တတ်သေးတယ်..။
တစ်ခါသေဖူး… ပျဉ်ဖိုးလည်းနားလည်တယ်။
ပြန်မပြောနားမထောင်
ဆင်ဝှေ့ရန်ရှောင်လည်း နေတတ်တယ်။
ပျော်ရာမှာမနေရရင်
တော်ရာမှာလည်း ပျော်ရာပျော်ကြောင်းရှာတတ်တယ်။
ဟိုကွေ့ရောက်တော့ဟိုတက်
ဒီကွေ့ရောက်တော့လည်း ဒီတက်နဲ့လှော်တတ်တယ်။
ရှိပူရသေး ကုန်မှနားအေး
ဟိုဟာချေးများ …. ဒီဟာချေးများနဲ့
ရောက်လေရာမှာအကြွေးချန်ထားတတ်တယ်။
အကြွေးသာရမယ်ဆိုရင်…ဆင်လည်းသက်စေ့ဝယ်တယ်။
အလာကားသာရမယ်ဆိုရင်… ရေလည်းအဝသောက်တယ်။
နေမပူရင်ပြီးရော … ကျောအပူလည်းခံနိုင်တယ်။
မရှိ … ရှိတာနဲ့ လှအောင်ဝတ်တယ်။
မရ … ရတာနဲ့ ဝအောင်စားတယ်။
ဘုရားလည်းဖူးရင်း … လိပ်ဥလည်းတူးရင်း.
ဘုရားမကြိုက်တာ ဘာမှမလုပ်ပါဘူး။
ကိုယ်ကြိုက်တာလေးပဲ ကိုယ်လုပ်တာပါဆိုပြီး
ဆင်ခြေဆင်လက်တွေလည်း အများကြီးပေးတတ်ကြသေးတယ်။
ဒါနဲ့များ..
ဘာကိုအဆင်မပြေ ဘာကိုအလိုမကျဖြစ်နေတာလဲ…
ဘဝဆိုတာတိုက်ပွဲ
လူတိုင်း
ကိုယ့်အသက်ကိုယ်တော့ ရှည်အောင်မွေးမြူနေကြတာပါပဲ။
ငြိမ်းမောင်
၂ဝဝ၈ ဧပြီ ပိတောက်ပွင့်သစ်… မှ
« Previous entries
