Archive for May, 2008
{ May 15,08 @ 4: 41 pm }
·
{ current affair }
{ }
·
{ }
(၁)
မေ ၃ ရက်အိပ်မက်ဆိုးကိုလွန်မြောက်လာခဲ့ကြသူတွေ…
သူတို့အကြောင်းနည်းနည်းလောက်ပြောကြည့်တာပေါ့…
အခုချိန်မှာတော့ ရန်ကုန်ဟာ..
မုန်တိုင်းမကျခင်အချိန်လောက်ကပုံစံအတိုင်း…
ပုံမှနိနီးပါပြန်ဖြစ်နေပြီလို့ပြောရင်ရပါတယ်..
နေရာတစ်ချို့မှာမီးမလာသေးတာ..
ရေအတွက်ခက်ခဲနေတာတွေအပါအ၀င်…
ကုန်ဈေးနှုန်းတစ်ချို့ပြန်မကျတာကလွဲရင်ပေါ့လေ….
အရာအားလုံး ပုံမှန်နီးပါးပြန်ဖြစ်နေပါပြီ…
စီးပွားရေးဘက်ကြည့်လိုက်ရင်လည်း…
အခြေခံစားသောက်ကုန်ဈေးကွက်ကလွဲလို့..
ကျန်တဲ့အနေအထားတွေက…
ထင်သလောက်အလုပ်မဖြစ်သေးဘူး…
ပြည်ပကကုန်စည်စီးဆင်းမှုတွေနှေးကွေးနေတုန်းပဲလို့..
ဆိုရင်ရကောင်းပေမယ့်…
စီးပွားရေးအေးနေတာကသင်္ကြန်မတိုင်ခင်ကတည်းကပါ..
နိုင်ငံရေးချိန်ခွင်လျှာမငြိမ်တော့..
စီးပွားရေးကလည်း အရင်ကတည်းက…
သိပ်ပြီးအသွက်ပုံစံမျိုး ရှိမနေပါဘူး…
ရန်ကုန်လူထုအနေနဲ့လည်း…
အရင်ကထက်နေသားကျလာကြတဲ့ပုံပါ…
တစ်ခုပဲပြောစရှိတယ်..
ခဲမှန်ဖူးတဲ့စာသူငယ်ဆိုသလို…
လူတိုင်း ၀ဲလ်သာမန်း မိုးလေ၀သခန့်မှန်းကြသူတွေ…
ဖြစ်နေကြတာကလွဲရင်ပေါ့လေ…
ကျန်တာတွေကတော့ ပုံမှန်နီးပါးပြန်စီးဆင်းနေပါတယ်…
ပြောစရာရှိတာက နယ်ကလူတွေ…
နယ်ကလူတွေအတွက်အကူအညီ…
နယ်ကလူတွေအတွက်ပြန်လည်ထူထောင်ရေး…
ဒီအတွက်ပဲစကားပြောရတော့မှာပါ…
အနီးစပ်ဆုံးအနေနဲ့ ကွမ်းခြံကုန်းနားတစ်ဝိုက်က…
အခြေအနေတွေပြောကြည့်တာပေါ့….
photo by mothonlay
(၂)
ကွမ်းခြံကုန်းမြို့က ပင်လယ်နဲ့မိုင် ၂၀ကျော်ဝေးပါတယ်..
ပင်လယ်ဘက်ကတက်ရင်တော့…
ထင်ရှားတဲ့ရွာစဉ်လိုက်စိလိုက်ရင်…
လက်ခုပ်ကုန်း၊ ပေခရမ်းစတဲ့ ရွာကြီးတွေကိုကျော်ပြီးမှ
ကွမ်းခြံကုန်းကိုရောက်တာပါ…
နောက် ကွမ်းခြံကုန်းဟာ…
ရန်ကုန်နဲ့အနီးဆုံးနေရာမှာရှိနေတဲ့…
ရန်ကုန်ထက်အခြေအနေဆိုးစွာရင်ဆိုင်ခဲ့ရတဲ့…
ရန်ကုန်တိုင်းအတွင်းကမြို့တမြို့ဖြစ်ပါတယ်…
နောက်တစ်ခုက ဧရာဝတီတိုင်းကဒေသတွေထက်..
မုန်တိုင်းဒဏ်ခံရတာနည်းပါတယ်….
အဲဒီကွမ်းခြံကုန်းကိုမုန်တိုင်းစ၀င်တဲ့အချိန်က…
ညပိုင်းကိုးနာရီလောက်ရှိပါတယ်…
မြိုတစ်မြို့လုံး ကိုဆယ်ရာနှုန်းကျော်ပျက်ပါတယ်…
လယ်တွေထဲကတဲတွေတော့အကုန်ရေမြှပ်ပါတယ်…
သေဆုံးတဲ့သူအများစုဟာရေကြောင့်သေကြတာများပါတယ်..
ကွမ်းခြံကုန်းမြို့ပေါ်တင်ရေ ၁၂ပေကျော်တက်ပါတယ်…
ကွင်းထဲကလွတ်လာတဲ့သူတစ်ယောက်ရဲ့အပြောအရဆို..
တက်လာတဲ့ရေက ယောကျာ်းလက်တစ်ဖောင်ရှိပါတယ်…
သောင်းဂဏန်းကျော်သေဆုံးပြီး…
ပျောက်ဆုံးသူတွေကတော့ခုထိရှာမတွေ့သေးပါဘူး…
ရွာသားအများစုက နွေစပါးပေါ်ချိန်ဖြစ်လို့…
လယ်ထဲမှာတဲထိုးနေကြရာကနေ..
ရေတက်လာတဲ့အချိန်ဘယ်လိုမှပြေးမလွတ်ပဲ…
ရေနစ်သေခဲ့ကြရတာတွေပါ…
မုန်တိုင်းအပြီးဆယ်ရက်လောက်ရှိတဲ့အထိ..
အလောင်းတွေကောက်နေရတုန်းပါပဲ…
အသက်ရှင်ပြီးကျန်ခဲ့တဲ့သူတွေကို…
မြို့ပေါ်မှာရှိတဲ့ဘုန်းကြီးကျောင်း ၂၂ကျောင်းမှာ…
နေထိုင်ဖို့ခွင့်ပြုထားပါတယ်…
အစားအသောက်တွေကိုတော့…
အစိုးရကကပေးတယ်ဆိုပေမယ့်…
ဘုန်းကြီးကျွေးတာကပိုများတယ်လို့သိရပါတယ်….
ဘုန်းကြီးကျောင်း သူတို့အခေါ် ကယ်ဆယ်ရေးစခန်းပေါ့လေ..
အဲ့ဒီမှာနေတဲ့သူတွေအတွက်ကတော့…
နေရေး.. စာရေး ပူစရာမလိုပါဘူး…
နေ့ခင်းဖက်ဆို ယောက်ျားတွေက..
လယ်မြေတွေပြန်ထွက် နေဖို့အိမ်ရာရှာကြ..
ညပိုင်းဆိုပြန်လာအိပ်…
ဒီလိုနဲ့ပဲသူတို့ရဲ့နေ့စဉ်ဘ၀တွေကိုကုန်ဆုံးစေပါတယ်…
ဒီအထဲမှာ မိသားစုတစ်ခုလုံးမှာ တစ်ယောက်ပဲကျန်ခဲ့တဲ့သူတွေ..
နောက် နှစ်ယောက်သုံးယောက်ပဲကျန်ခဲ့တဲ့သူတွေ…
သူတို့တွေကတော့ အခုထိ စိတ်အနာတွေ ပိုရင်းနေသလိုပါပဲ…
ကယ်ဆယ်ရေးစခန်းတစ်ခုထဲရောက်သွားရင်..
မျက်စိထဲ တွေ့တဲ့လူကိုမေး…
သူတို့ဘယ်လိုလွတ်မြောက်ခဲ့တယ်ဆိုတဲ့အကြောင်း…
ပြောပြကြလိမ့်မယ်…
သုံး လေးယောက်လောက်မေးပြီးသွားရင်တော့…
ဆက်ပြီးနားထောင်နိုင်ဖို့ခွန်အားရှိတော့မှမဟုတ်ပါဘူး…
တစ်ချို့ကအံ့ကြိတ်ရင်း၊ တစ်ချိုက ရှိုက်ကြီးတငင်ငိုကြွေးရင်း…
သူတို့ရဲ့ဇာတ်လမ်းတွေကိုပြောပြပါလိမ့်မယ်…
တကယ်ဆိုသူတို့အတွက်နှစ်သိမ့်ဆွေးနွေးဖို့
လူတောင်ရှိနေသင့်ပါတယ်…
အခုတော့ အဲလိုရှိဖို့နေနေသာသာ…
ဘာအကူအညီ အထောက်အပံ့မှမရပဲ..
စေတနာရှင်တွေလာလှူထားတာလေးတွေနဲ့ပဲ…
အသက်ဆက်ဖို့ကျားကန်နေကြရတဲ့အနေအထားမှာရှိပါတယ်…
သူတို့ကိုအားပေးစကားပြောဖို့မကြံရွယ်ကြပါနဲ့တော့..
သူတို့ခံစားနေရတဲ့အခြေအနေတွေက…
အခုလုပ်နေကြတာတွေနဲ့ဘယ်လိုမှ …
လုံလောက်ကြမှာမဟုတ်ပါဘူး…
ဒါတောင်ပင်လယ်နဲ့ဝေးတဲ့ကွမ်းခြံကုန်းပဲရှိပါသေးတယ်
ပင်လယ်နဲ့နီးပြီး အဆိုးရွားဆုံးခံခဲ့ရသူတွေ..
မြစ်ဝကျွန်းပေါ် ဧရာဝတီတိုင်းကလူတွေ…
သူတို့တွေရဲ့မျက်နှာတွေကတော့…
အကျဉ်းကျခံနေရတဲ့သူတွေနဲ့တူနေသလိုပဲ…
မျှော်လင့်ချက်မဲ့.. ဘ၀မဲ့… အနာဂတ်မဲ့…
photo by mothonlay
(၃)
မြို့ပေါ်ကိုတက်လာတဲ့သူတွေအတွက်…
ကယ်ဆယ်ရေးစခန်းတွေရှိတယ်…
အဲ့ဒီစခန်းတွေက အထိုက်အလျောက်တော့…
လူတွေအတွက်အဆင်ပြေစေမှာပါ…
အခက်တွေ့နေရတာတွေက ကျေးလက်ကလူတွေ…
တစ်ချို့ကလည်းရွာကိုခင်တွယ်လို့..
တစ်ချို့များကျပြန်တော့လည်း…
ကယ်ဆယ်ရေးစခန်းကလက်မခံတော့လို့…
အသက်ဘေးကလွတ်မြောက်ခဲ့ရပေမယ့်လည်း…
အငတ်ငတ်အပြတ်ပြတ်နဲ့
ရွာမှပဲစုပေါင်းနေထိုင်နေကြရတဲ့သူတွေပါ…
သူတို့တွေမှာကျတော့…
နေစရာအိမ်မရှိ… စားစရာမရှိ…
ဝတ်စရာမရှိ… သောက်စရာရေကလည်းမရှိပြန်ဘူး…
သူတို့ဘ၀ကျတော့ ကယ်ဆယ်ရေးစခန်းက
လူတွေထက်အခြေအနေတွေကဆိုးပါတယ်…
နေခင်းဖက်ဆိုအမျိုးသမီးတွေက….
စေတနာရှင်တွေလာလှူကြမယ့်အရာတွေကိုမျှော်…
အမျိုးသားတွေကတော့ ပြန်ထူထောင်ဖို့လုပ်ကြပေါ့…
ဘယ်သူကမှလည်းသူတို့ကိုလာမထောက်ပံ့ကြပါဘူး…
ကံကောင်းလို့အသက်ဘေးကလွတ်ခဲ့တယ်..
ကံဆိုးချင်တော့ အသက်ရှင်ဖို့ကိုအသေအလဲကြိုးစားနေရတယ်…
ဒီကြားထဲရောဂါဆိုးများဝင်လာခဲ့ရင်…
သူတို့ဘ၀တွေအတွက်တော့ မတွေးဝံ့စရာပါပဲ…
ကားလမ်းနဲ့နီးတဲ့ရွာတွေက…
စေတနာရှင်တွေလာလှူတာ..
တနိုင်တပိုင်သမားတွေလာလှူကြတာတွေ…
မျှော်ကိုးလို့ရနေပေမယ့်…
ကားလမ်းမပေါက်တဲ့ရွာတွေ… လူသူအရောက်နည်းတဲ့ရွာတွေ…
သူတို့တွေအတွက်တော့ …
အသက်ရှင်နေရပေမယ့်လည်း…
တကယ့်ငရဲခန်းတွေဖြတ်သန်းကြရတာပါပဲ….
သူတို့တွေပြန်လာနိုင်ကြပါ့မလား…
photo by mothonlay
(၄)
ရုပ်မြင်းသံကြားမှာကယ်ဆယ်ထောက်ပံ့ရေးရောက်လာတာ..
ညတိုင်းနီးပါးမြင်နေရတယ်…
ဘယ်အစိုးရကဘယ်လောက်လှူတယ်…
ဘယ်သူတွေကဘယ်လောက်လှူတယ်…
တွေ့နေ မြင်နေကြရတာပါပဲ..
အစိုးရကလည်း သူတို့လုပ်နိုင်ပါတယ်လို့ပြောနေတယ်…
ယူအန်က ကားတွေ ၀န်ထမ်းတွေကိုလည်း..
မြို့တွေပေါ်မှာတော့တွေ့နေရတယ်…
တကယ်ကြုံနေရတဲ့လူတွေက နယ်တွေမှာပါ…
လက်ရှိလူအင်းအားနဲ့မလုံလောက်ဘူး…
ကယ်ဆယ်ထောက်ပံ့ရေးတွေနယ်မရောက်ဘူး..
ရန်ကုန်လေဆိပ်မှာထားစရာနေရာရောရှိသေးရဲ့လား…
ကျွမ်းကျင်သူတွေအများကြီးလိုအပ်တယ်…
အရာရာဟာ ပူးပေါင်းပါဝင်မှုတွေရှိသင့်တယ်..
တံခါးတွေကိုဖွင့်ပေးလိုက်ကြပါ…
ဖြစ်သင့်တဲ့အရာတွေဖြစ်အောင်လုပ်ပေးဖို့လိုနေပါတယ်…
စကားတစ်ခွန်းအဟ…. အလင်းနှစ်ဘယ်နှစ်သန်းလဲ…
သေဆုံးသူတွေကသိန်းကျော်…
ဘေးသင့်နေတဲ့သူတွေက သန်းကျော်…
ထပ်သေကြရအုန်းမှက ဘယ်လောက်တောင်လဲ..
ဒီအရပ်နဲ့ဒီဇာတ်…
ဒီမိုး ဒီလေ ဒီလူတွေ နဲ့…
ဘယ်လိုကျော်ဖြတ်ကြမှာလဲ….
မကြာခင်မုတ်သုံဝင်တော့မည်…
မိုးဦးကျလာတော့မည်….
ဘေးသင့်သူတွေရှေ့ခရီးကို ဘယ်လိုဖြတ်သန်းကြမလဲ…
လယ်ယာမြေတွေပြန်စိုက်နိုင်ဖို့နေနေသာသာ…
အသက်မသေရင်တောင်ကံကောင်းလှပြီ…
ကံကောင်းနေသေးတာက…
ရောဂါဆိုးတွေကထင်သလောက်…
မြန်မြန်ဆန်ဆန်မပျံ့နှံ့ပဲရှိနေခဲ့တာ…
ရောဂါကြောင့်သေဆုံးရသူတွေက ဂဏန်းမရှိသေး…
ဒီလိုဖြစ်တာနေတာက …
ဘယ်သူတွေအတွက်ကံကောင်းနေတာလဲ…
ဘေးသင့်နေသူတွေအတွက်လား…
အစိုးရအတွက်လား….
photo by mothonlay
(၅)
ရွာတွေကိုတိုက်ရိုက်ရောက်နိုင်ဖို့ကြိုးစားနေကြတယ်…
လူငယ်တွေစုစည်းကြရင်းလုပ်ကိုင်နေကြတာပါ…
သူတို့မျှော်လင့်ထားကြတာက…
ကျန်နေသူတွေအသက်ရှင်နိုင်ဖို့ဆိုတာကလြွဲုပီး…
ဘာဆို ဘာမှမရှိ..
စေတနာရှိသူတွေက ငွေလှူတယ်..
ဆန်လှူတယ် အထည်ဟောင်းတွေလှူတယ်…
ကြည့်မနေနိုင်တဲ့သူတွေကအများကြီး…
ကျန်တာတွေကတော့ အိတ်ထဲကစိုက်ကြတယ်..
သူတို့မျက်နှာတွေကမျှော်လင့်ချက်အပြည့်…
ရောက်တဲ့နေရာတိုင်းကဘေးသင့်သူတွေအတွက်…
မှီရာဆွဲတဲ့မြက်တစ်ပင်… မြက်ပင်ပေါင်းများစွာ…
မျှော်လင့်ချက်မဲ့နေတဲ့သူတို့ဘ၀တွေအတွက်…
မွတိသိပ်နေတဲ့ဆာလောင်မှုတွေအတွက်…
နောက်တစ်ခေါက်ပြန်လာခဲ့မယ်…
အားတင်းထားကြပါ…
ဆိုတဲ့စကားပြောပြီးဆန်ခဲ့တဲ့ခရီးတွေလည်း အခါက်ခေါက်..
တစ်ခေါက်သွားမလုံလောက်..
နှစ်ခေါက်သွားမလုံလောက်နဲ့…
သွားရတဲ့သူတွေ စိတ်ဓာတ်ကျလာတယ်…
ဒါပေမယ့် ကျတဲ့စိတ်တွေခါထုတ်…
ဟန်ရေးပြင်တာတွေမဟုတ်ပဲ..
တကယ်ထိရောက်ဖို့ဆက်လုပ်ခဲ့ကြတယ်…
တကိုယ်ရေအလှူရှင်တွေကိုတားတယ်တဲ့..
တိုက်ရိုက်မလှူရဘူး…
စီစဉ်ပေးမယ်… ပါလာတာတွေထားခဲ့…
ဒီစကားတွေက ဘာတွေလဲ….
အခြေအနေတွေကပိုရှုပ်ထွေးလာတယ်..
အလား အလာတွေက မကောင်းဘူး…
လူသားစိတ်တွေပိုကင်းမဲ့လာကြတယ်…
တိုက်ရိုက်ရောက်ဖို့ ထိရောက်နိုင်ဖို့..
ကိုယ်နိုင်ရာ ကိုယ်ထမ်းနေတဲ့သူတွေအတွက်..
ရေရှည်လုပ်ဖို့အခက်အခဲတွေရှိလာတယ်…
ဒါပေမယ့် … သူတို့ဆက်လုပ်သွားကြမယ်…
လုပ်နိုင်သရွေ့ အဆုံးအစွန်ထိလုပ်သွားမယ်…
ဒါ….. နိုင်ငံရေးမဟုတ်…
Myanmar Cyclone Relief ဘလောဂ်မှာပြောထားခဲ့သလို…
No Politics, No Anti, No Pro
ဘာဆို ဘာမှမဟုတ်…
လူသားချင်းစာနာစိတ်ရှိခြင်းရဲ့သက်သေ…
ဘယ်သူတွေဘာပြောပြော…
လုပ်စရာ ရှိတာတွေဆက်လုပ်ကြမယ်….
ရှင်သင့်သူတွေ ရှင်နေစေရမယ်…
ဘေးသင့်ခဲ့တဲ့မိသားစုဝင်တွေကို..
အလောင်းမတွေ့သေးလို့ ..
ပျောက်ဆုံးစာရင်းသွင်းထားရသူတွေ…
သူတို့တွေပြန်လာလာမှာပေါ့လို့ပြောရင်…
ရှင်နေသေးတဲ့မိသားစုဝင်တွေက…
သူတို့ပြန်မလာတော့ဘူး….
ပြန်လာတော့မှမဟုတ်ဘူး…လို့
ဆို့နင့်ဖွယ်ပြန်ဖြေခဲ့ကြတယ်…
အခုလူငယ်တွေ၊ စေတနာရှင်တွေ…
ဘေးသင့်သူတွေဆီ တိုက်ရိုက်ရောက်ဖို့….
ခင်ဗျားတို့တွေဆီကိုရောက်ဖို့..
နည်းအမျိုးမျိုးကြံပြီး လာနေကြပါပြီ…
ခင်ဗျားတိုအတွက် သူတို့ပြန်မလာတော့ဘူးဆိုတာ…
နောက်ထပ်မဖြစ်စေရတော့ဘူး…
အားတင်းပြီးစောင့်နေကြပါ…
သူတို့ပြန်လာကြလိမ့်မယ်….
အားတင်းပြီးသာစောင်နေ့ကြပါ…..
{ May 12,08 @ 1: 29 pm }
·
{ current affair, news }
{ }
·
{ }
ညဖက်တွေဆို လမ်းပေါ်မထွက်ရဲတော့ဘူးတို့..
ညဖက်တွေမှာ နီးစပ်ရာလူတွေစုပြီး..
အထိတ်တလန့်နေနေရတယ်တို့…
အသံနက်ကြီးတွေကကြောက်စရာကြီး..
ကယ်ပါ ယူပါတစာစာနဲ့
အော်သံတွေကဆူညံ့နေကြတာပဲ..
ညရောက်မှာကိုကြောက်နေရတယ်…
စသဖြင့်ပေါ့လေ…
ရောက်တဲ့နယ်တိုင်းက..
မုန်တိုင်းဒဏ်ခံနေရတဲ့သူတွေပြောနေကြတာ…
ဟုတ်တယ်ဗျ..
မုတ်သုန်တို့က နိုင်သလောက်လုပ်နေကြတဲ့အချိန်မှာ..
မေ့နေကြတာတွေရှိနေသေးတယ်..
သေဆုံးသွားသူတွေအကြောင်းပါ..
မြန်မာအယူအရတော့
ဒီလိုမျိုးနဲ့သေဆုံးရတဲ့သူတွေဟာ..
ဘ၀ကူး ဘယ်လိုမှကိုမကောင်းနိုင်ပါဘူး..
အဲဒီတော့ ရှင်သူတွေအတွက်
တတ်နိုင်သလောက်လုပ်ပေးနေကြသလို..
သေဆုံးသွားသူတွေအတွက်လည်း…
ကောင်းမှုလေးတွေ နိုင်သလောက်လုပ်ပေးကြပါဦးဗျာ..
ကိုးကွယ်နေကြတဲ့ဘာသာတွေအလိုက်..
ကိုယ်နည်းကိုယ့်ဟန်နဲ့ သူတို့တွေအတွက်…
ဆုတောင်းပေးကြပါဦး…
အဖြစ်ကတော်တော်ကိုဆိုးနေပါတယ်..
လူပေါင်းတစ်သိန်းကျော်သေဆုံးခဲ့ကြရတာ..
ပြန်တွေတဲ့အလောင်းတွေထဲမှာအများစုကို..
ကျင်းထဲဒီအတိုင်းပစ်ထည့်သဂြိလ်ပစ်တာများပါတယ်..
သူတို့တွေအတွက်လည်းကောင်းမှုလေးတွေလုပ်ပေးကြပါဦးဗျာ..
နောက်ပြီး…
မုန်းတိုင်းဒဏ်သင့်အခြေအနေတွေနဲ့..
နောက်ဆက်တွဲအခြေအနေတွေက
ထင်တာထက်ပိုပြီဆိုးနေကြတဲ့အချိန်မှာ..
ကိုယ်ထူမှကိုယ်ထရမယ့်ဆိုတာကိုလည်း…
လူတိုင်းကလက်ခံနေကြပါပြီ…
မုတ်သုန်တို့ လုပ်နိုင်တာတွေက..
အရာအားလုံးအတွက်မပြည့်စုံဘူးဆိုရင်တောင်…
လူတိုင်းတတ်စွမ်းသလောက်ကူညီကြဖို့…
တိုက်တွန်းလိုပါတယ်..
လူတိုင်းလုပ်ကိုလုပ်ရမယ်ဆိုတဲ့..
တာဝန်တစ်ရပ်အနေနဲ့ သဘောထားပေးကြပါလို့…
ပြောသာ ပြောရတာပါ..
လုပ်ရင်းနဲ့ကိုစိတ်ဓာတ်ကျလာပါပြီ..
လူတွေက နေစရာအိမ်မပြောနဲ့..
ဝတ်စရာအ၀တ်..
သောက်စရာရေတောင်မရှိကြတော့ပါဘူး…
ဘယ်လောက်သေကြရအုံးမယ်မသိပါဘူး..
နောက်ရက်တွေမှာ အခြေအနေတချို့နဲ့…
ဓာတ်ပုံတစ်ချို့ကိုတင်ပေးသွားပါမယ်..
နိုင်သလောက်လုပ်ပေးကြပါဗျာ…
လူသားစိတ်ကင်းမဲ့တဲ့သူတွေကြောင့်..
မသေသင့်တဲ့သူတွေ သေခဲ့ရသလို..
ဘယ်လောက်အထိ သေကြရအုန်းမလဲမသိပါဘူး…
{ May 8,08 @ 2: 46 pm }
·
{ current affair }
{ }
·
{ }
မုတ်သုန်အတွက် စိတ်ပူပေးခဲ့ကြသူအားလုံး ….
အထူးပဲကျေးဇူးတင်ပါတယ်ခင်ဗျာ…
အင်တာနက်တွေလည်းနေရာတိုင်းမရသေးတော့…
ပြန်လာခဲ့ပါမည်.. အချိန်တော့နည်းနည်းကြာမယ်ထင်ပါတယ်…
ပြောစရာတွေလည်းအများကြီးရှိနေပါသေးသည်…
မုန်တိုင်းမတိုက်ခင်အချိန်အထိတော့…
မုတ်သုန်လည်း အေးအေးပဲရှိနေခဲ့ပါတယ်…
မုန်းတိုင်းလည်းတကယ်ဝင်လာရော…
ဘာမှကိုမလုပ်နိုင်ခဲ့တာပါ…
ဘေး ဘယ် ညာမှာ ရှိနေခဲ့တဲ့ မှန်တွေပွင့်ထွက်ကုန်တာများ…
ခုနေပြန်တွေးရင်တောင် ကျောချမ်းစရာ..
မှန်စတွေကလေထဲမှာဝဲလို့….
အိမ်အမိုးပါသွားခဲ့တာတော့ နောက်နေ့အိမ်ရောက်မှသိခဲ့ရတာ…
ရန်ကုန်ဟာတောလား…
မုန်တိုင်းစဲလို့ အပြင်ထွက်ကြည့်တော့…
လမ်းတိုင်းကတောအုပ်ဖြစ်နေပါတယ်..
နှစ်ရှည်သစ်ပင်တွေရော နှစ်တိုသစ်ပင်တွေပါ…
တစ်ခုမှ မမတ်နိုင်ရှာတော့ပါဘူး…
တကယ်ကြုံခဲ့ရတဲ့အချိန်ကအကြောင်းတွေ..
ဘယ်လောက်ခက်ခဲခဲ့ရတယ်ဆိုတာ…
ဘယ်လိုစိတ်နဲ့များ ပြန်ပြောပြရမလဲ…
အိမ်တိုင်းအမိုးမရှိတော့တဲ့မြင်ကွင်းတွေ…
သွပ်ဆိုင်တွေရဲ့ လူမဆန်မှုတွေ…
ညာတာစိတ်ကင်းတဲ့လူတွေ…
အချင်းချင်း လည်လှီးလိုကြတဲ့စိတ်တွေ…
သံသရာမကြောက် လူစိတ်ကင်းမဲ့ကြသူတွေ…
ဒီလူတွေအများကြီးပေါ်လာခဲ့တယ်…
တောကြောင်တွေအပြိုင်းအရိုင်းပေါ်….
ရန်ကုန်ဟာအများကြီးတော်ခဲ့ပါသေးတယ်..
ဆိုးတာက နယ်ကလူတွေ..
ရွာလုံးကျွတ်ပျောက်ခဲ့ကြတာများ…
ဒီနေရာမှာ ရွာရှိခဲ့ပါတယ်ဆိုတာ …
ဘယ်လိုသက်သေထူလို့ ယုံကြရမှာလဲ..
အားလုံးရေလျှံနေတဲ့ရေသားပြင်တွေချည်း…
ပေါလောမျောနေတဲ့ အလောင်းတွေကမြင်ရက်စရာမရှိ..
မှောက်ခုံကားယား၊ ပက်လက်ကားယားနဲ့..
မီးကျွမ်းသလိုဖြစ်နေအောင်မဲချိတ်နေတဲ့အလောင်းတွေ..
ကောက်လို့တောင်မနိုင်ပါဘူး…
တကယ်ကိုအိပ်မက်ဆိုးကြီးပါပဲ…
ညဖက်ဆိုဆူညံအောင်ကြားနေရတဲ့အသံနက်ကြီးတွေက..
သေဆုံးသူတွေရဲ့အော်မြည်သံတွေလား…
သူတိုမျက်လုံးတွေက မျှော်လင့်ချက်တွေပျောက်ကုန်ပြီ..
အသက်ရှင်နေကြတဲ့ အသေကောင်တွေလေ…
တစ်ဘ၀လုံး အတွက် …
တစ်ဘ၀လုံးအတွက် မျှော်လင့်ချက်တွေမဲ့ကုန်ကြတာ…
ဘယ်လိုတန်ခိုးရှင်တွေက သူတို့ကိ်ု..
လာကယ်တင်ကြမှာလဲ…
မမေးဝံ့ မတွေးဝံ့တော့တဲ့မေးခွန်းတွေ…
မုတ်သုန်တို့အားလုံး…
သူတို့ထက်တော့အများကြီးသာနေပါသေးတယ်…
နောက်ဆက်တွဲရောက်လာဦးမယ့်ပြသာနာတွေ…
ဘယ်လိုစိတ်ဓာတ်တွေနဲ့ ရင်ဆိုင်ကြရမှာလဲ…
သူတို့တွေအတွက် ကူညီပေးကြပါ..
သူတို့တွေအတွက် စာနာပေးကြပါ..
သူတို့သောကတွေကို မျှဝေပေးကြပါ…
တစ်ရက်လောက်ဖြစ်ဖြစ်တော့ ..
ခင်ဗျားတို့ရဲ့အပျော်တွေ…
ရယ်မောစရာတွေ ရပ်တန့်ပြီး…
သူတို့အတွက်ဆုတောင်းပေးကြပါ…
အခြေအနေတွေက တော်တော်ကိုဆိုးနေပါတယ်…
ပြောပြစရာတွေအများကြီးနဲ့ မုတ်သုန်ပြန်လာခဲ့ပါဦးမယ်
{ May 3,08 @ 2: 09 am }
·
{ Uncategorized }
{ }
·
{ }
မေလ ၃ရက် မနက် ၂နာရီမှာ…
နာဂစ် ရန်ကုန်ကိုစဖြတ်နေပါပြီ..
အဖျားခတ်ဖြတ်ကျော်ဝင်ရောက်နေပြီးတော့..
ရန်ကုန်တောင်ပိုင်းကနေစဖြတ်နေတာပါ..
သာယာဝတီ ရန်ကုန်အစပ်ကနေ ထိုင်းဖက်ကိုဆက်သွားမှာပါ..
မုန်တိုင်းကသိပ်ကြီးနေတဲ့အတွက်..
ဘယ်လောက်ပြင်းထန်မယ်လို့တော့ ခန့်မှန်းမရသေးကြောင်း
မိုးဇလကတာဝန်ရှိသူတွေကပြောပါတယ်….
{ May 2,08 @ 10: 21 pm }
·
{ current affair, မျက်မှောက်ရန်ကုန် }
{ }
·
{ }
မေလ ၃ ရက် နံနက် ၁နာရီခွဲကျော်
လေပြင်းတွေတအားတိုက်ပြီး..
မုန်တိုင်းစ၀င်တဲ့လက္ခာတွေ့ ဖြစ်လာနေပြီ…
ဝင်ရင်တော့ ရန်ကုန်တောင်ပိုင်းဖက်ကစ၀င်မယ်..
မုန်တိုင်းစ၀င်တော့မယ်….
မေလ ၂ရက်နေ့ ည ၁၀နာရီကျော်
မုန်တိုင်းရဲ့ ဦးတည်ချက်က ရမ်းနေတဲ့သဘောရှိပါတယ်..
ည၁၀နာရီကျော်တဲ့အထိ ရန်ကုန်ကိုရောက်မလာသေးပါဘူး..
၆၆၇၇၆၆ ကိုလှမ်းမေးကြည့်ရသလောက်တော့..
သမီးလှကျွန်းကနေ ရန်ကုန်နဲ့သာယာဝတီအစပ်ကိုဖြတ်လိမ့်မယ်လို့…
ဆိုပါတယ်… ပြောတဲ့အတိုင်းဆိုရင်တော့ ရန်ကုန်ကိုကွင်းသွားနိုင်ပါတယ်..
အခုချိန်မှာတော့ ရန်ကုန်မှာ လေပြင်းတွေစတိုက်နေပါပြီ..
ညနေကမိုးကရပ်လိုက်ရွာလိုက်ဖြစ်နေရာက ..
လေပြင်းစတိုက်လာတာ အခုပထမဆုံးပါ..
ညဆယ်နာရီကျော်နေပါပြီ….
{ May 2,08 @ 4: 22 pm }
·
{ current affair, မျက်မှောက်ရန်ကုန် }
{ }
·
{ }
ဖျာပုံကိုဝင်နေပါပြီ…
ရန်ကုန်ကို ညဦးပိုင်းရောက်လာလိမ့်မယ်လို့ ခန့်မှန်းချက်များထွက်ပေါ်နေ..
မုန်တိုင်းခန့်မှန်းချက်ပါ..
ရန်ကုန်ကိုနာရီးပိုင်းအတွင်းဖြတ်ဖို့ရှိနေပါတယ်….
{ May 2,08 @ 3: 44 pm }
·
{ current affair, မျက်မှောက်ရန်ကုန် }
{ }
·
{ }
လောလောဆယ်အချိန်ထိ ရန်ကုန်မှာမိုးတွေတအားရွာတုန်းပါပဲ..
ဟိုင်းကြီးကျွန်းကိုတော့ ၀င်ရောက်ခဲ့ပြီး အဲဒီမှာပဲငြိမ်သက်နေပါတယ်..
နံနက် ၁၁ နာရီလောက်မှာ ဟိုင်းကြီးကျွန်းကိုဝင်ခဲ့တာပါ..
ဓာတ်တိုင်တွေလဲ… အိမ်တွေထိပြီး… ပျက်စီးမှုများတယ်လို့သိရပါတယ်..
ရန်ကုန်ကိုတော့ ညပိုင်းမှာဝင်လာနိုင်တယ်လိုခန့်မှန်းထားပြီး..
ရန်ကုန်လူထုလည်း တနိုင်တပိုင်ပြင်ဆင်မှုတွေလုပ်နေကြပါတယ်..
ဈေးဆိုင်အချို့ စောစောပိတ်လိုက်ပြီး ၀န်ထမ်းအချို့ကိုလည်း..
အိမ်ပြန်လွှတ်လိုက်ပါပြီ…
ရန်ကုန်ကိုစ၀င်ရင် အနောက် ၊ အနောက်မြောက်ဖက်ကစ၀င်မယ်လို့
ခန့်မှန်းထားကြပါတယ်…
ဒီနေ့ညနေသုံးနာရီကျော်အထိတော့ရန်ကုန်မှာ…
မိုးတွေသည်းသည်းမည်းမည်းရွာနေတုန်းပါပဲ..
နောက်ဆုံးသိရသလောက် ပုသိမ်အောက်ဖက်ကို စ၀င်နေပါပြီ…
နောက်ဆုံးသတင်းတွေကို mizzima မှာတင်ပေးနေပါတယ်
{ May 1,08 @ 8: 12 pm }
·
{ သီချင်းများ }
{ }
·
{ }
အိပ်မက်တွေ - အယ်လ်ဖြူ
နှံကောင်လေးများရဲ့နွေဦးပုံပြင်ထဲမှာ အယ်လ်ဖြူဆိုထားခဲ့တဲ့သီချင်းပါ..
The Ants ကိုစွဲလန်းခဲ့တဲ့သီချင်းတွေထဲကတစ်ပုဒ်ပေါ့..
ဒါအိပ်မက်တွေ… ဒါအိပ်မက်တွေ..
အိပ်မက်တစ်ခုဖြစ်ရင်ကောင်းမယ်ဆို တဲ့…စားသားကို..
ဆွေးဆွေးမြည့်မြည်နဲ့ကိုဆိုထားတဲ့အသံကိုစကြားလိုက်ချိန်က
မိနစ်အနည်းငယ်လောက်စွံ့အသွားခဲ့ပါတယ်..
ပန်းခင်းတဲ့လမ်းမှာ…နင့်ကိုထားရစ်ခဲ့တော့မယ်..
လေမုန်တိုင်းထန်တဲ့ ငါကမ္ဘာပျက်ထဲကို..
ငါလေ တကယ်ကိုဆွဲမခေါ်ရက်ပါဘူးအချစ်ရယ်ဆိုတဲ့စာသားကလည်..
နားထောင်နေတဲ့စိတ်ကိုအတော်ကိုင်လှုပ်သွားခဲ့ပါတယ်..
အသည်းကွဲခြင်းနဲ့ငါ့ရဲ့စိတ်ကူး … စိတ်ကူးတွေကို..
တနေ့နေ့မင်းသိတော့.. တဒင်္ဂလေးရင်မှာလွမ်းဆွတ်ပေးရင်..
ငါ့ကျေနပ်တယ် ငါကျေနပ်တယ် ကျေနပ်တယ်…
ဒါအိပ်မက်တွေ… ဒါအိပ်မက်တွေ..
အိပ်မက်တစ်ခုလို့မှတ်ယူရတော့မယ်…
{ May 1,08 @ 4: 27 pm }
·
{ သီချင်းများ }
{ }
·
{ }
ထာဝရ - ၀ိုင်ဝိုင်း
ထာဝရ- ၀ိုင်ဝိုင်း
ကိုယ်တို့နှစ်ယောက်ရဲ့အသိမှာ..
ကတိစကားတစ်ခွန်းမှမရှိတာ.. ဘာမှမထူးဆန်းတဲ့ကဗျာ..
ဒီရေခဲမြစ်ရဲ့တစ်ဖက်စီ.. ကိုယ်မကြည့်မိသလိုနေရင်း..
တို့နှလုံးသားတိတ်ဆိတ်နေခဲ့တာ..
ကမ္ဘာမြေခြောက်သွေ့တဲ့နေ့ရက်တွေ..
တကယ်တန်းတော့ ငါ့ရင်မှာ နင်တစ်ယောက်တည်းရှိခဲ့တယ်..
ကြေကွဲရမယ့်အဖြစ်တွေ.. နေခဲ့ရမှာမြင်ပြီး..
ကိုယ့်နှလုံးသားစိုးရွံ့နေခဲ့တာ..
(ဒီမိုးတွေရွာတယ်… မနေ့ညကအိပ်မက်တယ်..
မင်းကိုရင်ဆိုင်ဖွင့်ပြောတော့မယ်…
ထာဝရအဆုံးထိ… နှုတ်မဆက်ပါကွယ်
ထာဝရဆုံးတိုင် ကိုယ်တန်ဖိုးထားပါ့မယ်
မင်းလက်တွေဆုပ်ကိုင် အခါခါအဆက်ဆက် ပြောချင်တယ်
ဒီတစ်သက်လုံး…. နင်တစ်ယောက်ပဲချစ်ပါ့မယ်…)
{ May 1,08 @ 4: 03 pm }
·
{ current affair, မျက်မှောက်ရန်ကုန် }
{ }
·
{ }
ရောက်လာပြီလား နာဂစ်..
လူတွေကိုသိပ်ဒုက္ခမပေးခဲ့ပါနဲ့…
ဒီနေ့မနက်ပိုင်းက နေရောင်ပွင့်နေတော့..
နာဂစ်ရောက်မလာတော့ဘူးထင်နေတာ..
မုန်တိုင်းမလာခင်လေငြိမ်တယ်ဆိုတာအဲတာပေါ့
အခုတော့ မိုးတွေမှောင်ပြီး လေပြင်းတွေတိုက်နေတော့..
နာဂစ်ဝင်လာတော့မယ့် အရိပ်အရောင်တွေ စတွေ့ရပြီ..
နာဂစ်…
ဘင်္ဂလားပင်လယ်အော်မှာ တပတ်ကြာအောင်ငြိ်မ်သက်နေတဲ့ ဆိုင်ကလုန်းမုန်တိုင်း …
မေလ ၂ ရက်နေ့မှာ မြန်မာနိုင်ငံကိုဖြတ်ကျော်ဝင်ရောက်မယ်တဲ့..
မိုးဇလကထုတ်ပြန်ထားချက်အရ နာဂစ်မြန်မာနိုင်ငံထဲဝင်မယ်..
ခြောက်ဆယ်ရာခိုင်နှုန်းလောက်ကျိန်းသေတယ်..
ကမ်းရိုးတန်းတလျှောက်ကလူတွေသတိထားကြပါတဲ့..
ကမ်းခြေဟိုတာဟိုတယ်တွေက ဧညိ့သည်တွေပြန်လွှတ်နေပြီ..
အခုတော့ နာဂစ်ဝင်လာပါပြီ….
မနေ့ကအထိတော့ နာဂစ်ဟာ..
ကိုကိုးကျွန်းအနောက်ဖက်၊ အနောက်မြောက်ဖက်..
၅၈၅ မိုင်ခန့်ပင်လယ်ပြင်ကိုဗဟိုပြုထားခဲ့တယ်..
အဲဒီကနေ အနောက်ဖက် ၊ မြောက်ဖက်ကိုရွေ့မယ်ဆိုတော့..
မြန်မာနိုင်ငံထဲဝင်ဖို့ကကျိန်းသေသွားပြီ….
သဘာဝတရားဆိုတော့လည်း ဘယ်တတ်နိုင်ပါ့မလဲ..
အပျက်အစီး အဆုံးအရှုံးနည်းပါစေလို့ပဲ ဆုတောင်းရတော့မည်..
နာဂစ်ဆိုင်ကလုန်းမုန်တိုင်းကြီး…
စတင်ရွေ့လျားဝင်ရောက်လာပါပြီ..
